洗牙去牙石能否令牙齒鬆動的情況改善?為什麼?

洗牙去牙石能否令牙齒鬆動的情況改善?

會改善 但係唔會實返哂


為什麼?

牙齒鬆動主要原因係因為牙周病...牙周病會令牙骨減少...牙骨係唔識自己生返出黎架...少左D牙骨去捉住D牙 隻牙就會鬆... 牙周病有個牙袋...洗牙就將牙袋入面D唔乾淨既野(牙石等)清左去..牙肉健康返...就會貼返只牙....就算無左個牙骨去捉住去 但係有牙肉去貼實佢 點都會改善到D...

* 普通洗牙係唔會洗到入牙袋入面 ... 所以如果要醫牙周病洗牙袋 要另外洗牙腳....

1）洗牙去牙石能否令牙齒鬆動的情況改善?
會

2）為什麼？
因為牙齒鬆動主因係牙肉受損。就好似地基咁，如果塊地D泥鬆既，個建築物無論幾好都會有問題。

牙肉受損有幾個主因（將最主要排第一）
A）吸煙既物質令牙肉受損
B）沒有每6個月或1年洗牙，牙石所産生既毒素令牙肉痿縮，牙肉鬆動
C）冇用牙線，令牙縫之間有細箘但沒有清除，産生牙週病，繼而牙肉受損
D）有嚴重蛀牙，傷及牙腳，或牙齒受感染。
E）牙肉及牙齒受嚴重衝擊，牙肉産生蓄膿。（較少見）
F）年齡增長

牙石會産石毒素，令牙肉痿縮。好多人都以為洗牙D牙會越黎越細，再加上牙腳可能係洗牙後露起。佢地會有個錯覺覺得洗完牙冇支撐。

其實呢個係好錯架，因為唔洗，牙石會繼續産生毒素破壞牙肉，直至牙齒最終鬆脫。加上唔洗既話，會無論你點刷牙，夜晚佢都會産生毒素，令你有蛀牙，甚至杜牙根。但洗咗，即使牙腳露起，牙肉會繼續支撐牙齒，只要保護得好，牙齒會好健康。