我係咪有病..我想睇心理醫生但唔敢..

我以前都有你呢個情況
你要做既唔係睇心理醫生.
而係要見社工~傾下計~不過要搵d有d活力既社工.
如果太溫文既社工幫你唔到
正如一個人唔開心緊
你走去用d好輕柔既態度同佢講野佢只會覺得自己更加慘
你講d開心野卑佢聽佢可能會笑返都唔定..

同埋嘗試去同其他人玩"""盡""" d.散下心
分散下自己注意力
令自己唔好諗埋一邊.記住係要玩盡佢...
玩得唔夠盡興你又會有機會諗埋一邊

我以前讀書成日分組一單數我就唔知去邊組好= =..
d fd明明對我好好我又會亂諗野..咁樣會搞到d關係愈黎愈差
你要改既係你自己想法.

其實將d野集中返埋一點.你既最大問題係你乜野都擔心!
不如試下放鬆d周圍玩下?!約下朋友去海灘又好燒野食又好
咩都做下.等個人玩得累d.就唔會有咁多空閒去諗咁多野.
如果真係發現身邊有朋友係唔鍾意自己既
唔好睇咁重.去識下新朋友.道不同不相為謀.
唔好勉強自己同一d唔鍾意自己既人一齊玩
只會令你更加唔開心

我果陣都係你呢家個情況~之後捉左幾個朋友去camp玩左幾晚
心情即刻好返晒@@.冇再諗埋一邊.
同埋試下睇下鬼片~睇下悲情片~試下去驚下!去喊下!
等自己將d野發洩晒出黎.跟住就會放鬆d~睇得冇咁重!

good luck!

你唔洗要睇心理醫生，都可以搵我，雖然我係冇咁專業，但我

可以幫助你減輕心埋障礙，我因為日日都有成500幾人上，所

以未必可以成日搵你，但你可以搵我，我會好樂意幫你，本人

都係學生，有時未必係我上，有時更可能冇上msn，今日因本

人病，所以上msn，我msn係我個人檔案有。

香港好像沒有心理醫生,只有心理學家......

唔好咁啦... 個老師知道自己罵錯你，佢都應該唔開心，點解你搞到好似你錯咁，驚佢扣你印象分呢！？同埋你冇做過咪同佢講囉…我細個都會諗住算，但依家覺得冇做錯就唔好認，好采你冇逃學啊，你愈逃避人地愈會覺得你冇用，到時真係扣印象分啦！！你都係乖學生嘛，唔好做ｄ冇用ｇａ野，到時俾人記多個缺點仲衰！！至於朋友呢，你又冇俾人排，又唔係冇朋友，就唔好唔開心啦，試下投入佢地ｇａ圈子，有時佢地傾得開心，可能真係會唔記得身邊有咩人係度！ｍｓｎ你可以主動ｄ搵人傾計嘛，以前我有個ｆｄ，戈陣同佢唔係幾ｆｄ　ｇａ，後尾我經常係ｍｓｎ　ａｄｄ佢傾計，依家都算幾ｆｄ，佢一上ｍｓｎ都會ａｄｄ我傾計，傾下佢ｇａ生活，又傾下我ｇａ生活咁．．依家諗返起，如果戈陣我唔整日ａｄｄ佢傾計，依家都冇乜可能可以同佢傾咁多野！！你都可以從日常生活中，睇下有冇ｄ朋友係好傾得埋，想法又同你似ｇａ，有ｇａ話可以試下同佢傾下你ｇａ心事，佢可以俾ｄ意見你嘛！！你中學定小學呀依家？中學ｇａ生活同小學好唔同嫁．．．最後最後，你千奇唔好介手，呢個係一個好錯ｇａ做法，如果真係ｆｄ，唔會等你有事先關心你，如果唔係ｆｄ，你有咩事佢地都唔會關心，最多咪講一句：「你點呀？」咁囉，唔值得！！我依家有兩個好朋友，有咩我都會同佢地傾下，你都試下搵啊．．．！！！

hi!我想講下我o既睇法,
我覺得你暫時唔使決定睇唔睇心理醫生住。
其實你唔需要咁介意俾老師鬧o既事,因為學生時期比老師鬧其實好正常,可能只因為你平時好乖,先會覺得個心有d唔舒服。其實你應該學下點去面對同放低每一件事: 事件令你學到d咩,對你整個人一有咩影響?係唔係真係值得自己咁介意呢?... ...事件已經發生,你改變唔到結果,但你改變到你o既心境。你可以諗下:(1)安慰自己:其實老師都知到鬧錯自己,都可以叫沉冤得雪。(2)學下處之泰然:人地張咀想講咩咪講咩.我又控制唔到,就由得人講吧。何況呢個世界咁多人,點理得咁多呢?
可能你仲係好驚老師扣你印象分,但係我想講,老師有自己想法,就算真係都冇法,就let it be.

2.朋友
我可能係你個朋友圈入面係一個比較被動o既角色。你怕冇朋友,on msn 冇人搵你,你有冇主動d搵人呢?人地有冇特登唔應你?可能人地都等緊你叫佢架:)你病左人地唔問侯你,你有冇話比人知?可能人地都唔知你唔舒服,先冇問你。朋友關係係互動,你唔講人地唔知,你唔可以覺得佢地一定要了解你架。你可以多d主其實單數人既時候自己多左出黎,你可以唔當係比人忽略,而係一個比你揀o既機會。你可以去聽下邊一埋人o既話題自己最感興趣,先join in,至少唔會dead air,自己又傾得開心。
最後,人地冇傳紙仔比你,其實未必係壞事。1.當時始終上緊堂:) 2.可能人地傾o既話題自己跟本不著邊。仲有,唔係人人傾計都要比你join in,如果你因傾計唔預你就唔開心,咁小息個個人圍埋一堆堆,你理到邊堆?人地又唔係講你壞話,做咩要知佢地傾咩。人地傾o既野你可能都唔感興趣,做咩要傷神?

記住,小事唔好當大事睇,唔關事就唔好睇,壞事就向好睇:-)

3.面對困難
其實你都知介手唔岩,就連諗都唔好諗喇。
你可搵人同你傾架,朋友,老師,社工,家人,搵我都得架。對方可能比唔到d咩意見,但係至少當抒發左情緒。唔想話人聽,你可以寫低佢,自己同自己講都得。總之就係唔係唔好唔理佢,逃避佢。


我唔係專業人士,上面只係我o既意見,我唔清楚你實際你情況,睇唔睇都係你自己決定。
如果你真係覺得自己有必要睇心理醫生你話,你就唔係怕嚇親關心你o既人,因為如果你真係有事,佢地會仲擔憂。
最後,如果你係冇事,d錢可以令你同定人冇左一個憂慮,
如果真係有事,就可以及時治療,錢絕對唔會浪費的。

希望你可以開心健康生活,做個樂觀的人:-)