▲倉鼠就死!?☆

買左鼠幾耐?一籠一鼠定係多鼠呢?
1.唔會食左d鐵,但就會食左包住鐵既油
咬籠其實主要係因為鼠鼠牙痕,而緊張or感壓力都會,如之前講既咁,新鼠未習慣環境係會未定落唻,可以先留意磨牙情況,日後熟左都係咬既話就可以教下鼠鼠,未熟時千萬唔好教,咁會有反效果
磨牙要留意既事及教鼠鼠唔好咬既方法,可參考:
http://hk.knowledge.yahoo.com/question?qid=7009080501822

2.完全冇飲水既話,易令鼠鼠脫水,咁熱仲可能會中暑
新鼠唔習慣係好正常,易會出現唔飲or唔食既情況,而鼠鼠未熟你,所以直接餵水鼠鼠唔飲亦易受驚,冇飲水要留意以下既事:
a)首先要檢查水樽會唔會出水有問題,而水樽最好用走珠式,真空既易漏水,整濕鼠鼠既話就易感冒
測試水樽出水有冇問題,最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況,用手又可以感覺到出水時會唔會出到但困難,我次次換水都會咁試既;水樽掛在籠邊OR睇返佢既設計係要點放,唔會放得太高,方便鼠鼠飲用,初初用新水樽,最好就係放好之後,用手再測試一下在籠內係咪真係出到水,如果水樽出水真係有問題,就要盡快買過個新
b)如果水樽可以放上樓上就先將水樽搬上去,放食物同水放近鼠鼠,等鼠鼠唔洗行咁遠都食到飲到
c)試下將水整落籠or屋仔邊,通常鼠鼠都會舔走d水,當然要洗乾淨呢d位先啦
d)水樽入滿水,方便睇佢有冇飲,仲冇咁易漏水
e)放特定數目既食物俾鼠鼠,方便觀察鼠鼠會唔會冇食野,擔心唔飲水同時都唔食,可以俾D白麵包OR麥片佢食
f)多加留意鼠鼠身體及排泄物有冇其他異常
g)留意散熱問題,太熱鼠鼠會好辛苦,冇飲水仲易會中暑,熱天要留意既事可參考:
http://hk.knowledge.yahoo.com/question?qid=7009061900335 第2點
h)如果籠有咩危險既地方,都會令鼠鼠呢埋唔飲水,例如有隙既地板轉輪,粒狀墊材,圓體轉輪之類,必須改善問題先得

3.唔知你既係咩鼠,所以唔知係咪雜左,請問你買既鼠係咩品種呢?外形係點?

4.倉鼠用品主要有呢d:
a)鼠籠
要揀一d地板,樓梯係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠
b)水樽
多數籠都包埋,每次換水時必須用手試下係咪出到水.最好買普通有粒珠在出水位既水樽就可以了
c)沖涼粉
千萬唔好買有味既沖涼粉,有味既比較易令鼠鼠過敏,一星期沖一次,太熱時最多兩次,唔可以用水沖涼
d)磨牙石
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既
e)轉輪
都係多數籠會包埋,但都要留意唔好係一間間有隙會卡鼠腳既,唔係都會好危險.球體轉輪會令鼠鼠有壓力,都係唔適合鼠鼠鼠鼠好需要活動,而大多喜歡轉輪,所以都係必需品.倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦
f)鼠糧
買一包咩都有d既混合主糧,唔需要買零食,我個人經驗係愈少雜食,鼠鼠身體愈健康,.唔好俾鼠鼠食蔬果,因為易肚瀉,又可能有農藥等問題
g)乾草or草磚
鼠糧外可再買草俾鼠鼠食,而草磚有隻只係草既色,呢隻我好多隻鼠都唔會食,可以試下買有幾隻味既草磚
h)食物盆
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
i)木糠
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感
j)屋仔
有屋仔會令鼠鼠住得安心d,較有安全感,唔好買草屋,陶瓷屋之類易爛既屋仔,唔係會整親鼠鼠
k)玩具(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩,但要留意,買熊仔鼠既話,因為體形會較大,就唔適合買鑽唻鑽去既玩具,避免大左玩唔到or卡在內
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既

2009-09-19 11:06:53 補充：
另外,養鼠要留意既事可參考:
http://hk.knowledge.yahoo.com/question?qid=7009062901991

2009-09-19 11:08:25 補充：
漏左講,鼠鼠原居沙漠,唔係成日有水飲,所以飲水會較少,尿會較濃,但完全冇飲水就較危險

2009-09-20 16:56:04 補充：
小灰霸既話,唔

2009-09-22 16:28:34 補充：
唔知點解之前少左d字:
小灰霸既話,唔係雜左既

我話嘅
1.佢會食咗d鐵油(可能會病)
2.會唔會冇水啦?
3.我唔知你買咩種,要問你去問你買小灰X個店主
4.唔知喎!X物店(X=唔識打)應該有...
PS:佢咬鐵可能佢想出番去大自然

果d人講就姐係真?如果佢唔知,就一定同你有(受)!

1.唔會
2.都會,但係佢飲得太多水佢又會肚痛
3.唔係,鼠咬多數因為痛苦同驚
4.唔明喎!你可唔可以打得清楚d?

這裏可以幫到你
http://yahooak.ln184.com/yahoo.com.hk/hk/auction/1118037410

這裏可以幫到你
http://yahooak.ln184.com/yahoo.com.hk/hk/auction/1118037410