很痛苦，下不到決定......

您的男友是事業型人士吧，這類人士，是著緊自己的工作。
或者是，他想給予一個好的經濟環境，才有進一步的發展，例如結婚等等。
他對您冷淡，始終有某種原因，驅使他這樣做。
拍拖在乎多溝通，而且是相向的，
您覺得他冷淡，是不是他也覺得您對他的態度變了。
這點我不清楚，要他回答吧。
您一定有直接的對他表達您的感受。
其實又未到分手這地步
分手之前您可以做到很多事情來改變您們這個局面。
例如，好好的傾談。
您有和他好好傾過嗎？
加油！

我勸你最好5好分手
唔係到時自己後悔/__\

其實我都有過d 咁既經歷~
開始既時侯就梗係會想見多d啦~
到左大家耐左~ 覺得穩定左~
自然就會見少左~
男人注重自己既事業係岩既~ 所以忙係在所難免架啦!!
男人好多d 都係將朋友同事業擺係第一位~
到自己得閑啦~ 掛住你~ 先會黎搵你~
但女仔唔同, 鐘意一個人,會冇時冇刻都想見到佢~
我覺得你唔開心~ 可以同你男朋友傾下~
等佢知道你因為咩事唔開心~
千其唔好佢問極你咩事你都唔講喎~
因為咁...佢一係以後都唔問你... 一係就會好炆囉!!
不過~ 我個人經驗話我知~
我次次同佢講就佢成日都唔陪我~
佢就會話咁我真係多野做丫嘛~ 仲會覺得你唔體諒佢~
最後大家嬲大家~ 黑口黑面咁!!
睇下邊個讓步先~ 如果佢唔氹返你~ 你就要氹返佢架啦!!
其實我覺得拍拖~ 最緊要係互相體諒同遷就~
女仔梗係想搵一個24小時on call 既男朋友啦!!
但事實上~ 係好難搵架嘛!!
自己諗左就冇事啦~ 佢又唔係唔愛你~
只係工作上既問題啫!!
俾返d 私人空間佢~ 亦俾多d 時間你自己~
慢慢你就會習慣架啦!! 習慣左其實都冇乜野啫~
唔好亂諗野~ 因為我知道佢一唔得閑陪你...
你實會諗佢係咪真係咁忙丫~ 佢做緊咩丫~
跟住就會好唔開心~ 因為我都係咁!! =p
開心d啦!! 佢見到你開心, 佢都會掛住你多d~
想見你多d架~ 係真架~

聽你咁講佢應該係因為工作關係而忙碌...

如果係咁GE情況...其實你最需要係坦白
你好應該將你GE諗法話比佢聽...

愛情係需要溝通GA...
人與人之間唔溝通係無可能明白對方諗咩
你唔應該去驚點樣講或者講唔出口..
相反你應該諗下點樣先至可以將自己GE諗法
毫無保留咁傳達比佢
E個先係重點

再黎...
你可能會驚講完之後會分手啊~感情破裂之類
其實你唔需要去擔心E樣野...

無錯如果你真係好鐘意佢,咁一定會受到傷害
但係你試諗下...
如果E段戀情只係得你一個付出...而另一個根本就無E個心情
咁有咩意義??
或者咁講啦...
與其一直咁樣痛苦落去,點解唔好好表達呢??
將自己GE所有情緒一次過爆發出黎...
咁樣你GE心會舒服好多...
唔好覺得ED野好假..根本無可能會發生....
但係當你做到GE時候..你就會明白我講咩...


anyway... 希望你地可以解決到問題啦

男人工作為重, 要發展自己事業, 所以你覺得他根本就只愛自己的工作，一D都唔出奇.....

你地有冇common friend, common hobby or interest? 可唔可以
develop 或一齊 take course?

再觀察一下如果都覺得無feel 先至決定.............


take care!

我估你有佢MSN,有的話同佢講你的感受(最好係係佢冇上線個時)之後佢上線個時,你唔好上線,之後琅睇佢有咩回應
*冇msn,你都會有佢sms掛,冇msn的話用sms啦