✔ 最佳答案
雖然毅進畢業生=中五畢業,但主要响申請政府工才接受此學歷。開辨登記護士訓練課程之機構,只有社福界及醫管局响發報招生通告中,入學最低學歷為中五程度,其餘要求更高。但實際上,社福界及醫管局課程,被成功取錄既訓練學員,八成有高考成績,你只有資格遞申請表,但被其他超班過你既比下去。
入學無年齡限制,但此行都有大量體力勞動及需輪班,對年紀大人仕,始終都辛苦。
你清楚知道,公大護理學副學士先修既出路嗎!喺需然可報護理學相關既副學士課程,但跟著還可以繼續讀護理學榮譽學士課程嗎?你可看以下公開大學,護理學副學士先修課程簡介,似乎副學士已行人止步。
http://www.ouhk.edu.hk/WCM/?FUELAP_TEMPLATENAME=tcSingPage&ITEMID=CCLIPACECONTENT_56761168&lang=chi#E1
以起步進修來講,科專都喺政府認可舉辨毅進課程既機構,與其他無乜分別。
31歲,你有無計過,毅進(1年)、副學士先修(1年)、副學士(3年)、甚至護理學榮譽學士(4年),全部都喺全日制,無兼讀課程,你連收入都無,要問家人取咁多年學費及生活費,可以嗎?你揀既課程,全部都無得向政府申請持續教育基金,我覺得你要先得到家人精神上及經濟上支持。其次,年紀有番咁上下,抬病人上落病床、遞便盆、沖涼、急救,都要使用大量體力,你到時接近40歲,仲要捱更抵夜,你自問仍有柏力嗎?