怎樣可以和好如初？？

這一個是公司人際關係的問題，發生於本人身上。我是女的，二十餘歲，單身。本人一向是一個只顧工作，不喜歡同同事搞關係嘅人。其實有可能是我根本都唔識同人溝通。每日最多是有禮貌地同同事講早晨及再見，而其餘時間都是講工事。
我一做野嘅時間，唔會分心做其他野（如上網或煲電話粥）。由返工做到收工。我每份工都係咁．．．好似不理人間嘅事。
直至近來，有一件公司人際關係的煩惱．．．
係咁嘅．．．
我同一個同事嘅問題，佢都是女的，但大過我十歲左右，單身。我同佢工作上需要接觸，但性質及職位不同，沒有利益上的衝突。之前同佢關係不錯，有時我會約佢食午餐，放工一齊做運動及去街，有講有笑。
唔知点解我發現佢近來對我好似好不滿。因為我工作需要問佢攞資料，之前佢好快就做妥，但依家都好不願，而且三吹四請，又黑口黑面，甚至當我透明，態度好差，但就無罵我，遲遲唔俾資料我。但因我是一個怕事嘅人，我又不敢每日去問佢肯俾資料我未，只是 in writing 問佢。我同佢之間之前又無發生ｄ咩野。
呢件事，老闆有同我出頭，同佢講，因會影響工作，但佢都唔聽，仲好似差咗．．．
問題一：點解會咁？
　　二：點解決／處理？
　　三：我工作態度是否需要改變（同人八掛吓）？
好難搞，如果解決唔到，對日後工作好煩。
真係唔想搞成咁，我只想無煩惱做野啫。