心理質素問題 =.=”

首先，攪清楚失波原因先，如果通常唔係你錯，又或者係一 d客觀因素，例如你身裁太細粒或技術所限，咁冇計架，心理質素幾高都冇用。

如果自問有身裁又有技術，只是成日正式比赛時因為緊張而慌失失，應出唔出，唔應出就出，timing奇差，成日疴蛋彈琵琶，咁就真係要提高心理質素。

一、勤加練習及比賽

打多d、練多d波對臨場表演一定有幫助，凡學習一樣需要motor skill的東西，從初起學到熟練其實是經過一個從有意識去做某動作到下意識(所謂瞇埋眼都識)去做某動作的過程。舉學車做例，轉線需要一連串動作: 望鏡、打燈、望鏡、shoulder check、再望前，然後才轉線，初學者雞手鴨脚，加上緊張，次次轉線都手忙脚亂，心跳加速，但老手却可一邊講電話，一邊施施然轉線。點解咁樣？因為練習加經驗令人可以以下意識去做某動作。講番守籠，接波及撲波的動作如果已純熟，你就唔會因緊張而忘記撲波之前踏一步、接高波舉起膝頭哥保護自己等等的動作。

二、催眠自己

以前有句話叫弱隊出龍門，即是弱隊的門將一般表現出好好，因為輸波司空見慣，反而這些守門員會豁出去。對這些守門員而言，對方每一次進攻都是表演身手的好機會。點解有時會話某守門員上咗身？就是因為守門員信心強，忘却緊張！你睇下有時有d守門員，人地來攻都不知幾興奮，指點守衛報防就知。記住，每次敵方進攻就係你嘅 showtime！

三、與隊友互相鼓勵

隊友的互相鼓勵也是方法之一，隊友替你清咗個靚波，俾d鼓勵，到你叉走個死角波，隊友也會鼓勵番你，以士氣抵銷緊張，互相埋怨只令大家失去信心。

四、增強鬥心

唔好咁易認輸，衰咗就正面d，從失敗中學習，否則只會不斷犯同樣錯誤。同自己講我得嘅，最緊要心中有團火！正面面對問題幾時都係解決問題嘅最好方法。

五、無謂過份緊張

你唔係踢緊英超，亦不是打世界杯決賽，勝負乃兵家常事，take it easy，趙下香口膠都係減壓的辦法。另外，慢慢深呼吸都可以減壓