澳門vs香港

我係香港人

我認為香港較澳門多元化

香港地方較大, 而且有多方面的發展, 如飲食業, 旅遊業等等

交通系統比較發達, 教育制度完善

澳門多着重博彩業, 影響社會風氣, 沒有全面的發展

我比較喜歡香港

我係半個澳門人、半個香港人。

1）教育方面
A）中小學
因為澳門較細，學生不用跨區上學，一般而言，學生花少於一小時回去學校。因為花時間係交通上沒有香港咁多。學生係作息同温書時間較充裕。去同學家做報告亦較容易。再者，我覺得特別係小學幼稚園，應該有個快樂既童年，有足夠睡眠好重要。

B）入學制度
香港有完善既會考制度，而澳門沒有。而會考制度仍然係爭論之中。我覺得澳門要每間大學，每間中學咁考試，浪費時間，不公平既情況較多。而且到現在並沒有一個國際性少少既考試，出國機會亦間接比香港較少。

C）大學
因為澳門實行普及教育，大家都有書讀，而香港實行精英教育，有很多人係中五時沒有足夠中六學位，沒法讀下去。之後大學學位又較少。相對來講，香港既大學水準同排名確實比澳門好好多。只是犠性了一大班想讀書而讀不上的人。但另一方面，澳門大多沒用既大學生。令社會不平衡

個人意見，我較支持澳門中小學既教育，但會考同大學就支持香港

2）文化
咁睇下兩者係邊方面既文化LA，只係睇下你鍾意邊個
我覺得澳門歷史文化較好，你睇下D歷史建築物都好有特色，揉合咗中西文化。
香港就係多元化一D。新式一D既嘢。

個人意見，兩個都鍾意，想行街去香港，想影相係澳門。

3）生活節奏
確實有調查發現澳門人長命過香港人，因為澳門人生活節奏好慢。冇乜壓力。你睇下澳門人行路同香港人行步路都唔同。

呢個答案我較一面倒支持澳門，我較喜歡節奏較慢既生活，所以我好鍾意外國既生活，我覺得人一生物一世，多D時間享受生活好D

4）飲食
因為香港大D，多D不同既餐館，確實有利。澳門就真係來來去去哥幾間。

較支持香港飲食。

5）派錢
暫時來講澳門政府肯派錢呢個政策係無敵既，但引申咗另一個問題，吸引咗太多無謂人來澳攞錢，而呢班無謂人對澳門冇建設。當佢地原本既地方有暴動或經濟唔好，會返黎澳門同人爭嘢做。

對我來講，因為我係嗰個無謂人，又冇交稅，年年係咁攞錢，我當然覺得好。但係我覺得政府咁做係本末倒置，我希望澳門有更好既實際福利，特別係醫生，如果澳門政府請多D優秀牙醫，睇政府牙醫唔駛排期，一日就有牙醫睇，之後補牙杜牙根同植牙通通唔駛錢。你話澳門幾好。

而家係，有錢都要等排期，我以前睇政府排咗幾個月呀。就算私家醫生都排咗1個星期。醫院床位唔夠，想生仔有錢都可能訓走廊。

我覺得派錢對我有利，但我唔建議政府咁做

我係一個香港人

係我的生活中,冇澳門呢2個字!

係電視呀,收音機呀,都冇咩講到澳門

所以香港人對澳門的知識都會好小!

我覺得咋!