✔ 最佳答案
唔係幾明好似叮噹身上咁細既噹噹係幾大,叮噹係卡通,好難肯定到個SIZEA.首先一定要將三隻鼠分籠及全部都要仔細檢查身體及排泄物,始終你係鼠主,你先會睇到係點樣,而且鼠鼠係獨居動物,再大既籠,就算係同一胎既鼠,亦一樣易打交or因壓力而生病,加上鼠鼠有異常,分籠亦可減少細菌感染既機會
patpat有黑色既野,如果係肉粒,就可能係瘡or腫瘤,又或係污糟令鼠鼠生左肉粒;如果好似便便既size,可能係便秘塞住肛門
1.鼠鼠生粒,林林地係瘡,硬既話就係腫瘤,兩樣都要盡快睇醫生先得,自己係處理唔到既,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,所以病既初時已經應該去睇醫生,到嚴重既時候先去處理,就好難救得好了
瘡既話,就係有外傷再受感染而形成,可能係打交打到,最好在爆之前就處理好,唔係既話,爆左就好麻煩,好難好返.,腫瘤既話應該會照下,再做手術整走佢
放膿or整腫瘤都要落麻醉藥(放膿要睇位置同情況),如果鼠鼠年紀大,咁就要考慮清楚先好決定,老左既鼠好難承受到麻醉藥既,做手術既話,一般都係$700-1500左右,視情況而定
鼠醫生資料,價錢及睇醫生要留意既事可參考:
http://hk.knowledge.yahoo.com/question?qid=7009031901757
睇醫生同時可以住以下既事:
a)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
b)保持環境乾爽清潔,避免有更多細菌再令鼠鼠受感染
c)檢查籠入面有冇野整親鼠鼠,瘡既話係有外傷再受細菌感染而做成
d)擔心鼠鼠唔舒服會覺凍,如果鼠鼠有身凍既問題,就唔好俾風直接吹到鼠鼠,要鼠鼠保持溫暖;但冇咁既情況在熱既時候,就要多加留意散熱問題,太熱都會令鼠鼠訓得多D,熱天要留意既事可參考:
http://hk.knowledge.yahoo.com/question?qid=7009061900335 第2點
e)俾一d有營養既野佢食.可以試下俾d麥片or白麵包佢
f)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
g)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
2.如果環境污糟,特別係肚瀉or便秘時,易令鼠鼠patpat濕住而生肉粒,一籠多鼠亦好易好污糟,改善返主因慢慢就會冇事了
3.便秘
分辨便泌or肚瀉:
a)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬or林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
b)清晒個籠之後,再仔細留意佢既排泄物係咪真係少左or多左
c)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘排泄會好困難
d)便秘有時會見到佢肛門附近會濕濕地咁既,甚至見到有便便塞住,肚瀉呢個位都會濕,不過就唔會有便塞住
便秘要留意既事可參考:
http://hk.knowledge.yahoo.com/question?qid=7009081000301 B項
B.你同鼠鼠熟之前,同鼠鼠沖涼,可試下以下既方法:
a)用龜缸之類既野幫鼠鼠沖涼,將少少食物放入龜缸,將缸口對住鼠籠既門口
b)叫鼠鼠既名,都可用裝食物既袋發出聲音引起鼠鼠注意,等鼠鼠自己行入去
c)唔敢掂鼠鼠既時候,可整沖涼粉落鼠鼠身上,等鼠鼠自行整走D沖涼粉,因為不經接觸,所以要放多D,等鼠鼠底部都沖到,但要小心唔好倒左D粉鼠鼠既眼耳口鼻
d)沖完涼再將缸口對住籠既門,鼠鼠就會自己行返入去
e)另外,如果鼠鼠係驚既話,在許可既情況下,唔用手套去捉鼠鼠較好,唔係就易令鼠鼠受驚,受驚有機會誘發甩毛肚瀉等疾病;但如果係需要檢查身體之類,怕被咬則可用手套抱鼠
同鼠鼠熟左之後沖涼既方法及沖涼要留意既事:
http://hk.knowledge.yahoo.com/question?qid=7009090100221
C.另外,其實鼠鼠最好分籠,就算之後鼠鼠冇事,亦希望你可以考慮一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因可參考以下我回答既知識,發問者既鼠,就算係同一胎同性別都一樣打交:
http://hk.knowledge.yahoo.com/question?qid=7009013002057
2009-09-16 00:27:22 補充：
鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫,爭野亦一樣
一籠唔止一鼠既時候,好多時都會出現其中一隻特別大隻,正反映係有一隻蝦一隻既問題,希望你真係可以考慮一籠一鼠,真係打死打傷時就後悔莫及,而且鼠鼠好多嚴重疾病都係由肥胖誘發,分籠之後,可等鼠鼠接近食完d糧再添加,只係俾糧及草,咁就可避免偏食及過肥,肥胖要留意既事可參考:
http://hk.knowledge.yahoo.com/question?qid=7009081900319 B項
