買車買咩牌子好?

澳洲小姐，
因為你在澳洲，同香港有小小唔同，主要係文化唔同，例如澳洲的車，行車哩數都好高，因為你地可能返工都會開個零兩個鐘車，而香港，唔塞車計個零兩個鐘已經可以行完香港一圈。另外，香港人都以變通聞名，以前零件又唔係好多，所以先會有積木車產生，至於到2009年的今日，積木車當然仍有，但我個人相信已經唔多，你可以計到，一駕萬零兩萬蚊的車如果要做大工程去駁頭駁尾，手術費可能成萬蚊，而且仲要有風險唔係一定賣得出，仲要墊左錢出黎先，整一萬，賣萬零，不如左架車收番幾千咪仲好過，所以我個人認為你想買的是低價車的話，買到積木車的可能性唔會太高，當然，我呢個理論係以香港為基礎，但澳洲人比較上檢點，所以我覺得你唔使太擔心。跟住就回答你的問題如下：

1. 五門細車，以澳洲計，Toyota都好多華人用，我幾個朋友在澳洲都係用Toyota，相信是一個好好的選擇。

2. 買個陣要注意的相信都是個幾樣，例如，著車易唔易啦！著車之後引擎有無聽落唔正常的雜聲啦！冷氣夠唔夠啦！有無暖氣啦！自動波是否每一個波段都可以跳到啦！Brake夠唔夠啦！試幾下急剎車個軑有無左右走啦！在車箱內扭軑有無古怪聲啦！然後睇下車箱新唔新淨啦！電窗電鏡正唔正常啦！大致都係咁上下！好難完全講比你聽，最好叫個有經驗的朋友一齊去幫下眼會好好多。

3. 車的知識真係學到死個日都學唔哂！其實開車同你讀書都係一樣，你要開得多，你就自自然然知道邊度有問題，就如同你看得文章多，就好容易在文章中找到錯句、錯字一樣。

4. 積木車，如果手工好，你自己一定睇唔到，車房都唔敢話百分百肯定邊架係，邊架唔係，不過從上文你可以知道積木車的手術費唔小，在澳洲或者更貴，所以你買到積木車的機會唔會高，引擎號碼方面，每個引擎都有刻左個號碼在引擎上，你找一下就可以找到，然後對下同文件中的號碼是否一樣則可，不過同一個問題，換引擎要拆好多野，手工又係好貴，如果上手咁好比錢同你換個引擎，又係賣咁上下錢，都唔錯喎！呵呵！呢個可能性我又係覺得唔高。

希望幫到你！

牌子其實不是咁仲要 最仲要係架車是否合心水/合用
2手車基本上都有大大小小的破撞 如果唔係大問題冇傷到機件/低盤可以接受 一定要睇有冇架車一同闊的燒焊(積木車) ,車身,引擎號碼有否改動