飛輪海拆夥真的決定了嗎

佢地有同經理人公司簽約架, 五年內都唔會解散.

雖然傳媒成日話佢地感情唔好, 但我就覺得係煲水新聞.

因為佢地都好乖, 無咩緋聞, 對人又好, 所以記者無咩好寫.

但佢地人氣咁勁爆, 所以記者就只好作野. 都睇到習慣啦!

雜誌寫ge野, 真係信一成都死.

今期face貼埋相話比較吳尊紅之前同紅之後, 拍照企位由後排移左前面...

但問題係, face貼個兩張都係早期ge相,,,,= =" 咁可以比較到d咩呢?

當講到黎香港代言迪士尼個日, 又專揀d相係大東同吳尊分開ge, 但佢兩個一齊企埋影相一齊坐太空飛船又唔見佢地登出黎!!

呢d亂寫ge報導真係數都數唔晒,

如果唔係清楚飛輪海ge人 真係會被誤導!



而且佢地雖然係團體, 一早就講明係拍戲方面各有各做, 所以各有各發展ge空間,

但係出唱片就一定會一齊. 傳媒就因此話佢地各自拍戲係不和,

天呀, 呢種合作模式由一開始就己經係咁...難道佢地由一開始就不和??真夠無聊!



佢地性格都咁可愛, 唔係小氣ge人, 都明白有時機遇ge野好難講.

依家吳尊紅, 令到飛輪海知名度更大, 對其他人都係好事.

大東主演ge終極一家播緊, 所以大東d名氣又會標升.

所以, 我覺得紅唔紅到, 主要因素係自己度, 唔係人地度lo!!



至於話大東嬲左吳尊, 係因為今期新monday 封面講架,

裏面記者問到佢地有無不和時, 大東就話, 真係無不和, 唯一就係吳尊之前見周星馳時無幫大東攞簽名, 因為星爺係大東偶像.......大東都講得幾搞笑! 即係話, 大東只係嬲呢樣野者.



我好鍾意吳尊, 亦都知道其他三個都係佢ge好兄弟.

喜歡各自偶像係件好事, 但唔好惡意去中傷其他ge團員.

咁樣對自己支持ge偶像一d幫助都無, 反而會令人對佢所支持ge人反感添.

連帶對飛輪海ge印象都差埋!! 希望大家都做個好fans, 一起支持飛輪海,

咁樣飛輪海想散都難啦!!