懷孕時要做什麼才可以有一個健康bb???

1,2--有左bb一個月, 要去普通家庭醫生寫張驗孕政明信



有醫生信後, 其實你要早D去排期, 政府同私家醫院都好爆

首先要排期做第一次產檢, 視乎你想在私家定政府定私家生, 如選政府生就拿驗孕証明信 &老公身分證COPY去屋企附近健康院排期, 詳情可睇呢個網址

http://www.fhs.gov.hk/tc_chi/centre_det/maternal/maternal.html

去私家生就拿驗孕証明信去你想去生的私家醫院排期, 好似話而家為免D人霸私家同政府兩個床位, 私家醫院連香港人都要比按金, 所以你都係諗清楚去邊度生先去排期啦

當然你排左邊間醫院就去邊度做產檢, 所以你最好搵番近你屋企, 如果唔係到你大肚後期, 個肚鑼咁大都要去做產檢, 好辛苦架
3.--至於講座, 你每次做產檢, 姑娘都會比D單張同時間表你, 你得閑就可報名上堂, 當然先到先得, 不過我試過無報名都去上, 佢地見你大肚都唔會趕你走

4.--而家食多D有營養食物, 可飲孕婦奶粉, 每朝飲一杯, 就唔使担心太肥, 我自己就飲--美素恩,幾好味唔太甜, 生冷野, 海鮮都唔好食住
5.--公立醫院係有超聲波, 但政府醫院資源緊張, 最多每人照一次, 除非你有個胎有D咩特別問題, 亦都唔會比番相你


另外以下For Your Ref

11-12週, 做唐氏綜合症測試--度頸皮 & 抽血

18-20週做結構性超聲波, 睇BB心, 肝, 腎, 手指, 腳指齊唔齊, &有無兔唇

28週照4D, 呢個唔係必須, 只係好奇想睇下BB, 唔做都得

呢D政府醫院無架, 私家醫院都未必有, 有都比較貴, 自己搵私家產科診所醫生做啦

2009-09-17 16:37:39 補充：
我今日去左廣華book左....11月17日...好似好耐咁...
其實係咪正常???通常隔幾耐要檢一次???

都唔係太耐, 政府醫院係比較耐D, 到時都係十幾週,
最初6週一次產檢, 之後會4週一次, 到生次前2週一次

做唐氏綜合症測試--度頸皮係咩黎???

呢個係CHECK BB有唐氏綜合症的機會, 以前係要抽胎水, 有機會流產, 呢個用超聲波CHECK+抽你D血去驗

仲有...我唔飲牛奶的....但係有d咩奶係唔似牛奶味...但係有牛奶既好處??

應該有D孕婦奶粉係朱古力味/士多啤梨味, 試下啦, 對BB好架, 咪當苦茶飲左佢囉

1. 首先你自己要決定選擇私家醫院定政府醫院生BB。去私家醫院生，順產既話你大約預二、三萬，而政府醫院生BB，一日一百蚊，一般三四日都出得院，五百蚊有找。
有經濟能力，去到私家生既話，可以搵下你鐘意既私家醫生或者有婦產科門診既醫院預約做檢查，佢地都會一直幫你檢查到你生為止既。若果去政府醫院，你而家就要去一間普通既診所驗孕 (一般收費大約$100-150) ，之後可以拎到一張醫生證明你有身孕既轉介信，拎住呢封信就可以去你住果區既政府醫院做登記。登記完之後佢地就會安排你做第一次檢查架喇，而如果係醫院檢查都冇咩問題既話，佢地就會安排你轉去健康院繼續檢查
至於邊間醫院最好，其實都冇咩分別架喇，因為而家政府醫院係分區，唔係你話去邊間就邊間，都冇得你揀。加上而家好多人有咩事都投訴，都唔會差得去邊架喇
2. 如果你揀政府醫院，你決定左果間既話，就會去果間生。除非到生果時有緊急情況先會去最近果一間既醫院。 至於私家既，多數都係跟番同一個醫生，除非你睇幾個私家醫生，咁你就可以揀搵邊個醫生同你生
3. 講座 - 政府醫院同私家醫院都會有講座提供，不過一般都會好快滿，所以你要密切留意。不過如果你要去健康院做檢查既話，佢地每次檢查次都會安排孕婦睇一套產婦有關既資料，之後亦有姑娘講解
另外你可以上D孕婦既網站，佢地有時都會有講座推出比孕婦或者媽媽聽既
4. 煎炸熱氣就最好唔好食啦，雖然唔會引致流產，但係都對於孕婦同BB都冇益既。海鮮類除左魚之外，其他既都盡量避免，因為海產帶毒性，食左有機會會影響到BB既皮膚同身體機能既發展。至於生冷、寒涼野，基本上都係可免則免，雖然係因為唔同身體底子既人食左有D人會冇事，不過大人冇事姐，你唔知肚入面既BB有咩反應架嘛，始終呢D食物都有機會會影響到BB既呼吸系統同埋有子宮收縮既機會，所以避免進食。
生冷野係包括任何雪過既食物飲品，而寒涼既就包括豆漿、西米、涼粉、香蕉、西瓜、海帶。另外榴槤、芒果、菠蘿等濕熱食物都有機會令BB皮膚唔靚架。如果你一時忍唔到口，一兩淡都唔成問題既，不過就真係唔好多，若果就係因為你唔介口而令到BB有咩事，自己都唔安落啦
最好就係每日飲1-2杯牛奶，經濟許可既就可以每日食一匙燕窩。基本上食多D新鮮既食物，同飲食定時都已經足夠架喇
5. 政府醫院多數只會照一次，同埋冇相比番既。不過若果有普查，不能會照多一兩次既

1.我而家第一樣野要做..係去邊度做產前檢查???
點樣預約???同邊間醫院最好???
其實要均量自己的經濟能力!ok的可以比萬幾至二萬到(正常安安全全無咩特別問題),可以選私家醫院(法國醫院)!
如果經濟有限可以到共立醫院,(聯合醫院)(屯門)....,你要到健康院登記!

現在可以找一個婦科醫生看看!叫醫生比葉酸和鈣片維化命不充藥!葉酸是必須的不可以忽視!因為可以令bb腦部發展!

亦要考慮公立醫院的醫療設備是完善過私立的,這是朋友醫生說給我的資訊!


2.係咪如果一開始係一間醫院做檢查...就會係o個度生埋???
不一定的!不過是跟你你的主診醫生,(私家)

3.以前成日睇電視會有講座...教人點樣同個bb沖涼呀咁...
而家仲有冇????我洗唔洗咁早去上堂....係咪我做產前檢查既時候..會同我講埋????

健康院會跟據你懷孕時間,給你講座的!

4.我而家應該食多d乜野???
應該講唔好食咩嘢先對!
1.生涼嘢(凍飲品,魚生,蕉,通菜,勤菜,豆漿,涼茶,羊,蛇,)
盡量唔好食蝦蟹海鮮,中醫(濕毒,好容易你或bb有皮膚病)


5.係咪全部公立醫院都有超聲波???會唔會有張相比我??
會有超聲波,不過只是得一次,本人都是共立生bb的,所以我另外在外面找私家醫生看!

懷bb是有很多學問,你可以在圖書館或者你買一些書籍學習,又聽多一點長輩說話,都有一點幫助!

希望可以幫到你啦!