我想問中二學生儲錢既方法 ~!!

你可以搵本簿仔..記得每日開支

除左有條數睇下之外..咁樣可以知自己d錢用左去邊架...

同埋可以令自己有少少罪惡感..題醒自己唔好浪費金錢

早餐你可以買幾蚊面包食..

每日帶20蚊返學..有剩草起佢.

一個星期結算下...

我都係一星期100蚊!!!!

每日20蚊~ 我9月開始就用以上的方法

放學唔會買野食

呢個星期我用左60蚊咋~

呢個9月好容易又草到100蚊,,,

要慢慢黎...因為點講都係零用錢少!!

你再大d 父母應該會加零用錢架啦~

2009-09-26 20:11:40 補充：
其他冇需要的開支 免得過就免啦!!
你大約100蚊一星期..星期6日包5包??
如果唔包 我建議你問家人拎多少少錢..
可能未必夠用架...
因為大家食lunch 價錢唔同~
可以的話 星期6日係屋企食..or 買個面包 蛋糕咁啦~
要草錢 就要捱下..

轉d地方學野 / 學少樣野你會慳好多
可以考慮下同區.

都可以買個夾萬仔, 每個月強制儲200$
真係唔夠錢先拎果d黎用, 如果唔係都唔好用.

1個月車費都用緊一半, 好難省
至多食飯搵d平d既黎食..

既然 ... 車費都咁大開支 ,

點解又要安排到D活動地點咁疏呢 ? = ="

首先，
你$800已經有一半已經係for左八達通，
所以，你唔可以用八達通作其他用途，
簡單D講，即係除左撘車，八達通唔可以用黎買其他野！
咁樣，你就已經可以唔洗理張八達通的錢，
只係一個月入一次，已經夠哂！

$800 - $400 = $400
得返$400仲要用一個月，基本上我覺得唔夠用，
不過都可以既，但係我諗你就要辛苦少少na。

我比一、兩個建議你啦，
星一至星五會係學校加嘛，
正所謂「帶得少用得少」，每日只帶$20，
早餐+午餐都只係用$20，都幾化算的，
若果早餐食得多，Lunch咪食少D，
若果早餐食少D，咁Lunch咪可以食好D，
若果個日唔肚餓，你都可以唔食既(不過我唔建議)。
P.s：放學記住唔好買野，即刻返屋企，唔係會好大誘惑= =

星期六日就係屋企食埋早餐、Lunch，
之後先出去搞你果D活動，咁又省返一筆，
若果你想飽D，我有個唔錯的方法，
你可以去百佳、Welcome到買包粟米片，
跟著再買支奶，又飽又可以食勁多日。

P.s：不過都係要睇你造化架炸，唔係想儲錢都幾難！

車費你就冇得慳啦
即係你一個月得400蚊
如果真係好想儲錢
我係你我就會唔食lunch
但係咁做對身體好冇益
所以你諗清楚先好
仲有一個方法就係向呀媽借糧
但係都唔會借得好多
所以都係慢慢儲吧