法例規定係波床到叮野食要自己禁制?

其實唔係法例規定叮嘢食要自己按制. 而係波仔攞嘅係食品零售牌, 並非餐廳 / 小食牌. 個牌規定佢哋只可以以零售方式售賣並非即場製造嘅飯盒, 唔可以有侍應服務客人, 否則就要攞飲食牌.
佢賣咗個飯盒俾你, 而你用佢部叮爐自已叮嚟食, 係你嘅事. 只要店主唔反對你用佢部叮爐, 同埋唔介意你喺佢鋪頭飲食, 咁就無問題. 但如果佢嘅僱員幫你叮, 咁就算係佢有人 serve 你, 違反咗 "零售牌" 嘅規例, 即係無牌經營食肆, 會被撿控.
七仔 / OK (無賣飯煲魚蛋 / 燒賣嗰 d) 情況一樣, 只不過七仔 / ok 賣埋雜誌汽水薯片, 無波仔齐賣飯盒咁 "揚", 所以無波仔執得咁緊.
我諗唔係職員漠視你, 因為好大機會佢都唔明箇中原因, 答唔到你, 所以佢扮聽唔到.

2009-09-20 08:57:28 補充：
多謝cecimak兄過譽. 你太客氣啦!

解說清楚俐落！
非常多謝 peterchan7708 ( 知識長 )又替我等小民增進了知識！