✔ 最佳答案
首先，我算係幾反對你係芬蘭留學。點解？
因為世界上冰島之外，物價最昂貴都都係北歐，而芬蘭係北歐。我曾經去過一次，4天都夠我破産，點解？
一排最便宜的香口膠都成10蚊，一個麥當勞係130蚊，而一個夠飽的一個面包都係25蚊。連最便宜的罐裝飲品（330ML）係35蚊。即是解，唔計學費哥十幾萬，唔計住，光是一天的食用都可以成200元港幣。即使打工，工資約50蚊，但都好難COVER到生活。物價大概係澳門的6倍。而歐洲其他地方約3倍。
好似我咁，而家係英國讀書，英國物價係澳門約3倍，一年只係學費同租金都成20萬。除非你屋企真係好有米，否則分分鐘讀讀下屋企突然破産。
1A)去芬蘭讀大學,係咪要考個英文試先ga?
所有歐美及澳洲大學都要求學生先考英文試，一般而言，最方便是TOEFL及IELTS，TOEFL係澳大考，IELTS係理工考，係大學網站報名，理工要你本人到學校付錢（發電厰上面哥度俾，唔係理工學校俾）
2B）之後要點做啊?
因為芬蘭比較特別，我知道佢每年都有人黎澳門開升學講座，但實際點做唔清楚，但我知道邊度可以幫到你
你可以去高教辦問：
http://www.gaes.gov.mo/big5/counseling/index.html
3)我聽人講,有d國家係可以去當地讀個準備課程先再考大學,芬蘭係5係都有ga?
唔駛，除非你自己要求咁做，通常係D學生考唔到大學，之後係芬蘭讀一年書先，之後再試下。就好似澳大先修班，同僑大先修班咁，入學成功率會5會高d，但你可以考到大學就唔駛嘥哥一年咁解。
又係哥句，芬蘭物價好貴，真係讀既，係會浪費一年的時間同錢，所以唔好勉強。
3)仲有仲有邊間大學好d啊?
我唔知你想讀乜學系，所以我轉貼學校排名俾你
http://www.4icu.org/fi/
4)因為我e+讀緊高2,所以我想問一下,我要幾時開始準備以上ge野啊?
因為你而家要讀IELTS 同TOEFL，因為你一考咗上面是但一個，例如你考台灣，咁英文唔駛考，考澳門，英文唔駛考，即使你想去歐洲，都唔駛再考。而且唔係一考就合格，可以會FAIL，FAIL咗要嘥時間再温再排期。而家考，差唔多LA。
5A)我d英文5係好好...去到會5會比人岐視ga..><..?
初初個個人都唔識講LA，學下學下咪識LOL，但係我D FRIEND話佢地有自身既母語，所以好多時佢地D人傾計自己搭唔到嘴，所以冇乜朋友。呢個係事實。但係係英語系國家，當地人傾計你可以搭嘴，會多D朋友。
而且，事實亦係英語系國家讀完返黎哥D英文進步快好多，係芬蘭返黎哥D同之前冇乜分別。
5B）如果我去到讀語言系係5係好怪ga?因為連英文都5識......
睇你想學乜語言LA，學中文去台灣，學英文去英國（英國英文標準D）學芬蘭話咪去芬蘭LOL。
6)去戈度讀完書,反到澳門會5會5接受ga?
接受你既大學學位，但係揾工機會難D。因為政府有條法例，明文規定公司要先請本澳大學畢業生，再請外地畢業生。即一個冇經驗既本澳大學生，同一個冇經驗既外國留學生。若僱主請咗後者先，又俾前者發現，可以俾前者告。
加上本澳大學生，個個都做PART TIME。老闆睇工作經驗先，之後大學，之後中學讀邊。你可能有個外國留學既經驗，會係人生入面最開心哥幾年，但返黎會比人慢一兩年先升到較好職業。
我的建議：
若你有興趣讀旅遊，又想讀芬蘭，可以入讀IFT，再轉讀芬蘭。
1）IFT容易考，唔駛咁煩
2）IFT同芬蘭的HAAGA-HELIA University of Applied Sciences大學有交流生課程，只要你第一年成績係中上（GPA2.5以上）咁只要你通過學校內部面試，得既話學校會幫你搞去芬蘭既嘢，包括住宿，申請表，科目配對等。佢會教你搞簽證，唔駛怕。
另一方面，學校一次會派2個交流生，咁有人照顧你，病咗都有人陪睇醫生LA，又可以一齊去旅行添。
你會係芬蘭讀6個月，好處係，芬蘭半年學費成6-7萬，但因為IFT有交流生課程，所以半年交澳門學費一萬二千蚊就有得讀，當你完成咗，你係CV度可以寫兩間大學個名。但若你係芬蘭讀4年，咁CV只可寫一間大學個名。計起黎前者平好多同著數好多。
即使第一年成績唔好，第一次面試FAIL咗，可以等下半年再考，即使再FAIL，亦可以下次再黎過。你唔介意遲D畢業，你可以無限次考，考到你考到為止，空白既時間，最多係澳門就業先啫。冇損失。
3）如果入唔到交流生計劃，可以去芬蘭實習，不過要自己揾工，學校只會俾意見你。
4）因為係澳門讀書可以係澳門做嘢先，咁畢業後可以容易投入市場，加上澳門學費平，又有出國經驗。的確易揾工好多。
我去過D FRIEND就話佢地都好開心可以自己可以出國見識，又可以去埋歐洲。我自己都曾經去美國做交流生，我都覺得好正。
