✔ 最佳答案
香港目前主要有兩個升大學方法--JUPAS及NON-JUPAS. 如果你中七畢業, 相信你知JUPAS係乜野. NON-JUPAS係主要用你CE & AL以外學歷報讀大學課程. 不同JUPAS的地方是NON-JUPAS不是大學聯合招生, 所以各大學收生日程不同, 所以你要自己報名.
JUPAS及NON-JUPAS只可選擇其一. 如果你讀緊UGC-degree, JUPAS規定要Quit U先可以報JUPAS, non-jupas就沒有規定要退學. 因為AL要到4月考, 6月放榜, 而NON-JUPAS多數12月至3月(視乎大學日程), 所以NON-JUPAS未必會考慮到2010年高考成績.
轉校通常係special case, 大學通常會特別處理. 大學可能會有個諗法係你本身有個degree讀緊, 點解要比你轉? 而且最近明報報導大學教資會懲罰容許學生在校內轉系重讀的院校, 扣減讓學生轉系重讀院校的補助金, 所以轉校重讀會更加難.
如果你限期內唔接受Offer, 或者不能達到校方條件, 大學會當你放棄學位. Offer方面唔會好似JUPAS咁只會派一個或沒有課程比你, 你可能收到其他院校的Offer. 但non-jupas同JUPAS一樣, 可以一個Offer都唔比.
大學科目寫得起招生章程裡面就會接受non-jupas, 不過同樣要睇清楚basic requirement. 到11月至1月, 各大學就會開始non-jupas申請, 詳情到時你一定要自己上大學招生組網頁睇.
2009-09-13 09:05:45 補充：
334仲有無JUPAS就唔知, 但JUPAS最大作用係幫大學學系選擇學生. 所以就算334轉左只係考一個公開試, 以前係考兩個, JUPAS都會用類似方法計分, 所以我覺得JUPAS取消機會不大.
如果想讀Second degree, JUPAS同NON-JUPAS都得, 但如果你報UGC資助的Degree, 兩者只能選擇其一.
