8級鋼琴考試-好擔心~

✔ 最佳答案

我本身對音樂無乜天份, 聽 pitch 都聽唔掂, 不過我由 5級樂理後, 停左 10 年, 之後自學左 4個月, 都 pass 到 8 級.

8 級 pass 唔難, 要講方法, 不過120 以上就真係唔易 ..

或者可以畀少少意見你.

1.
pieces 係大家最易死嘅一 part, 佔分比例大, 而且講 style. style 係 7-8 級 abrsm 先開始重視, 所以即使彈啱晒, 不過 style 太離譜, 一樣會 fail. 所以演藝 / 中大校外進修課程 d 講師都唔建議學生自修 8 級. 不過一講 style, 就必須搵一個你信得過佢對音樂有好深認識嘅人教先得. 因為我自己搵唔到, 而且4堂各45分鐘就 $1300, 我覺得好無保障, 所以先堅持自學, 而我失分最多都係呢度.

不過我個人覺得, 如果你已經練到行雲流水咁, 其實除非你真係好故意唔跟作品時代上嘅風格, 如果唔係, 都幾難 fail.

有位已經有 bachelor in piano 嘅朋友講, 話 8 級 style 都好白痴, 只要知道作品時代, 作者大體上因乜而作, 同埋作品聽眾係 d 乜人, 就ok,

a list 係巴洛克
b list 係古典 / 浪漫
c list 係現代
知道各時代特色, 大體上問題已經唔大.

2.
scales 基本上唔容許出錯.
不過如果你知道練習方法, 唔出錯根本唔難.
一向我地練習, 好似練得多就自然會識咁, 根本無用過腦.
根本無用過腦去認清邊時邊刻要彈乜音, 邊時邊刻用乜手指彈, 邊時邊刻手腕要點轉,
咁, 當然會彈錯.
首先一件事係, 無論任何時候, 你腦中都可以清晰指出你要點彈,
咁處理 scales 根本好難錯, scales 就變成再唔係超過 300個, 而係得 10多組, 組內, 根本首首要求嘅技巧都係一樣, 只係 d 音唔同左.
pieces 都一樣, 先要認清每一刻要點做, 在腦中熟習, 根本就唔需要點練 ..
至於點令你腦海清晰點做, 得要用你自己方法.
我嘅方法太長篇, 好難喺度交代.

但好多人考左 3-4次都唔得 , scales 都練唔好話好難彈.
而我 4個月搞掂,
分別就係, 佢地依然覺得練得多就自然識, 我就著重必先要令腦海清晰知道每一刻要點做.

3.
aural, 一般教師都唔會教得好,
所以要另搵出路.
中大, 演藝, 都有校外進修課程, 專教 abrsm 6-8 級 aural, 你可以留意一下.
演藝口碑比較好.

4.
sight reading, 只要你數齊拍子, 基本上已經攞到一半分數.
所以要拖慢來彈, 1秒半拍都唔緊要, 最緊要拍子比例上完全正確.
如果唔係你之前表現太差, 佢唔想你 fail, 都唔會出 d 5個 flat sharp 畀你 ge ..

事前搵 d 簡單 d 嘅琴譜自己 sight reading 下, 邊睇邊唱, 諗埋點彈,

睇琴譜前睇 key signature, 同拍子結構, 如果首歌用8分音狂數落去, 甚至有 16分音 / 32 分音出現, 你就要用 1秒去落 8分音甚至 16分音, 最緊要比例正確, 唔係叫你 perform, 只叫你 sight read ~

習慣左成要特別轉手指嘅位作即時決定, 咁, 考試時, 有少少時間畀你預備 sight read, 留意一下 d 特別轉手指位, 就可以幾秒內有解決方法, 變得容易.

2009-09-15 15:32:07 補充：
成日對住部琴, 對幾耐都唔會有意義的

練 scale 時
先從最 basic 嘅 c major 開始,
腦海中清晰數出右手所有各上嘅迫係 d 乜, 用乜手指彈, 邊度轉手腕, 模擬埋轉手腕畫面,
之後做埋右上落,
之後做埋左手上落,
之後做埋其他同系 scales,
之後做埋其他不同系 scales,

喺腦中處理, 用返學放學返工放工車上無聊打 nds 嘅時間做,
咁 1日做呢個步驟都可以做 1-2個鐘, 而且唔會彈琴騷擾到人, 又可以打好 scales 根基.

之後自信腦中有清晰畫面, 先對琴練, 就好快上手, 而且無乜錯

2009-09-15 15:37:07 補充：
scales , 腦中練好右手, 左手, 之後須練埋腦中同時處理左右手一做嘅資訊, 咁先得, 咁先叫個腦對個 scale 有處理力,

之後先去其他同系 scale
再之後不同系都一樣咁做

咁先啱

2009-09-15 15:39:39 補充：
同樣道理, pieces

先買 cd 返來聽下邊隻歌你覺得都唔太難明,

之後搵埋琴識揀 d 唔太深嘅,

之後坐喺琴前, 試彈一下, 睇下應唔應付得來之餘, 再 draft 下 d 手指點轉,

之後就要背譜, 同埋記熟幾時隻手點彈, 一樣喺車程上做就得,

一個 bar 就一個 bar, 記熟一個先一個, 腦中同時清楚搞掂一個分句 (你自己分), 先下一個,

咁成首歌, 最少都成兩三頁, 就記入腦,

嗰兩三頁, 再坐喺琴前彈, 就會好快上手,
其餘都係咁練, 最後睇下 d 歷史做 style 修正, 就 ok

回答 (2)