好辛苦呀有無人可以幫下我, 我唔想死…

首先我覺得你要冷靜左自己情緒 跟住先會諗到解決方法

令自己唔好有想死.自殺等等既負面情緒

你o岩o岩先畢業 年紀仲細 其實再花1-2年時間讀書問題唔大 學海無涯 現今社會好多年紀大既人都會進修自己 更何況你年紀輕...最緊要係搵o岩自己專長 / 興趣 唔好再白白浪費時間同金錢 如果你擔心學費問題 可以到時考慮學費借貸之類既服務 但係大前提係你首先要有個目標比自己 : <想做咩工作?> 然後再決定讀d咩相關課程 我認為咁樣會比較容易解決你工作既問題

人際關係方面 如果你而家份工做左唔係太耐 (around3-6個月) 你同d同事少交流其實冇咩大不了....你話你有"社交恐懼症"又未免太嚴重....呢個世界唔係個個都性格外向善於同人溝通 你唔同人講野唔代表你係怪人 反而你做左份工冇幾耐 已經好多野講或者太外向 身邊唔熟你既同事可能會覺得你態度太輕佻.扮fd.唔知想博乜! 所以保持適當既主動同外向已經夠! 工作做極都做唔好 唔一定係你蠢 可能係人地教你既時候你冇留心聽 亦可能係你用錯方法去記...你其實可以嘗試多d主動問同事一d你唔明白點做既野 人地教你既時候要留心聽 即使你覺得o個樣野好簡單 盡可能都寫低佢....多d主動同人打招呼 唔需要太介懷自己融唔融入到d同事 有時係夾唔到就夾唔到 最緊要係先要同佢地有良好關係 先再諗點可以融入佢地....
你話連對住d朋友都冇心機social...你有冇嘗試同一d同你比較夾既朋友傾訴你係度發問既問題?? 唔可以單單因為同d同事溝通唔到 就斷定自己社交係有問題
你都可以擴闊社交圈子 返教會、做義工、參加興趣班、fd搭fd...呢d都係比較易識到朋友既方法

至於你屋企既問題 你爸爸應該體諒你mami 婚姻係一個承諾 2個人是但一個無論有咩事都要係佢身邊支持佢.幫佢 唔係你mami有病就要鬧佢 不過呢d未必係你控制範圍之內既事 你可以做既係試下轉另一個醫生同社工跟進 雖然政府好多部門都未必信得過 但係總好過唔試

其實你識係呢度分享你既問題已經好好....有咩事都要識搵人傾 就算聆聽者唔明白你 至少你將屈埋既野一口氣講晒出黎 個人會輕鬆d架!!千祈唔好自己收收埋埋 咁做只會更多負面情緒 容易轉牛角尖 對你同對你屋企人都唔好!!

最後比2個電話你 有咩問題或者你試下打去 睇下佢地幫唔幫到你...
撒瑪利亞防止自殺會 : 2389 2222
關心一線 : 2777 8899

凡事向好o個方面諗 冇解決唔到既問題 =]

我覺得好多野你如果肯放開D唔好甘執著就唔會甘辛苦架喇
係公司唔一定要識到朋友, 我覺得人生得一知己就夠, 唔需要每到一個地方到要識一堆酒肉朋友. 係公司順其自然就可以.
況且你已經有一班朋友, 你應該珍惜你擁有的一切.
你諗返呢個世界有人比你更慘連朋友都無, 你就唔會甘辛苦

2009-09-15 00:03:41 補充：
我到無乜朋友, 得閒都可以email我傾下計
[email protected] (不是msn)

你千祈唔好去睇精神科或者話自己有情緒抑鬱就走去睇醫生，如果唔係你就變咗係『精神病患者』。以後你同人發親脾氣，你屋企人就驚到打電話報警，嗰陣時你越係話自己冇事，人地就越係話你有。是但一次比警察捉咗，而睇開你個醫生，話你須要入青山，咁你就被捉咗入去，以後你一世無法洗脫『精神病患者』之名。朋友！事業！應該變成『冇』。好多人嘅下場走咗去跳x, 總之如果唔係天生心臟有問題，普通心情唔好就唔好睇精神科啦，
你睇親嗰科嘅醫生佢冇理由話你冇事架，唔通佢想失業咩！
****************************************************

我很明白你的感受，我父母都是個什麼都可以吵鬧一番的人，我父親有情緒病，但他不自知所以一直不願看醫生.........跟你一樣，我知道他們很愛我，我很想幫他們，可是我有心無力........小時候因為我不懂表達而一直壓抑著情緒，到中一的時候終於得了鬱燥症，到現在六年了還未斷尾.......在最壞的日子我每天躲在家中不上學，沒有與任何人聯絡，也沒朋友關心我，只有跟父母吵架、哭、發狂，我失去了所有興趣，藥物也弄得我迷迷糊糊的..........我曾經想過打開窗跳下去，但幸好我沒這樣的勇氣.......我在患病初期跟朋友說我有情緒病，他們都不了解，認為我跟本沒什麼病，他們冷待我，在我背後說壞話.......
現在長期服藥的我，學習能力低了很多，由小學考頭幾名，到現在變成最底的一群，但路還是要走下去的，儘管如你所說看不到晴天.........這是我的故事，只是想跟你分享一下而已，想希望你知道你不是唯一一個人經歷著考驗，要相信總有一天會雨過天晴的，加油！
如你想找個人傾訴的話可以找我，你e-mail給我就可以了。=]
[email protected]
＊你說不想一輩子都做著沒興趣的工作，證明你是個有大志的人，當你想不開的時候，要記著你還有你的夢想未實現，不可就這樣結束生命，要不活了這麼多年就很不值了！

我都好明白你依家既心情

但係你都唔洗咁低落

要知道

你身邊既人都一定會撐你格

你依家可以韻人傾訴下

唔好將D心事自己收埋

否則到時就會愈來愈唔開心

如果你唔知應該同邊個講

或者想知多D

你可以韻我

My MSN:

[email protected]

希望幫到你la

你系吾可以死 , 你死左有重有邊個人會照顧你父母 !
你都知你媽咪系有精神病 , 系好需要你照顧 /支持 ,
系吾可以拋低佢地 , 自己走左去 !
你有事業 / 家人已經比好多人幸福得多 !
好多人都系冇父冇母 , 三餐不計 !
你現在已經系晴天 , 要知足/ 要珍先會常樂 !
1) 媽咪只要食藥就可以控制, 吾需要太擔心 !
2) 同同事相處 :
應該多溝通 , 多同佢地出外食反 / 活動 , 增進感情 !
慢慢就會習慣 , 吾需要急 , 系需要用多 d 時間相處 !
3) 你抑鬱症吾一定要睇醫生 : 只要保持心景開郎就得 :
凡事向好的方面諗 , 吾好執著 / 平常心就得 !
笑多 d , 心情都會好 d !

呢位朋友 你搵個舒服既地方冷靜一下自己思維 (例如:海灘,好舒服感覺既餐廳.......) 你長期係一個會影響到你情緒既環境裡面 你自己唔會放鬆 我睇完你d問題之後 首先 工作上你應該唔係做唔到 只不過唔係你心目中想做既工作 對自己有另一種要求 係好正常 每個人都會 不過呢d要求 同你而家身處既環境有d底足 問題在於個人方面 對自己毫毛興趣既野 又點會用心記 用心做 人與人相處同溝通 係一門好高深既學問 就算出黎社會上打滾左幾十年既人 都好多唔識同其他人相處 你試下行出多幾步 又或者用心了解一下身邊既人 可能你會發現 佢地原來好容易相處 記得有位老人家同我講過 (只可以要求自己怎樣做 不可以要求別人怎樣做 ) 如果你心入面唔開門 其他人又點會明白你唸緊咩 ...........
睇完你講屋企既情況 雖然我唔知你媽媽病情既嚴重性 不過如果係咁 又可唔可以試下放多少少時間去照顧一下佢呢 如果你真係覺得對住媽媽好辛苦 心裡唔舒服 咁不如先解決左自己既心結先 等自己心境平靜既時候 再慢慢唸下應該點樣面對 再試下同爸爸坐底正視面對一下呢個問題 你站係你爸爸立場睇下 可能佢同你一樣 都覺得好辛苦 不過我相信你爸爸係一個好好既丈夫 最少仲會係你地身邊 其實呢d問題 只要你願意同身邊既人溝通 可能得出黎既結果會令你有意想不到既開心......
(不懂計較的人才會幸福) ..........祝你 : 天天開心 時時快樂^,^

1)社會經濟差時,多數係工揀人;唔係人揀工!既然你已有工作,就努力以赴做到最好!同事老闆都會有眼見到的!等你儲蓄到學費,再進修你有興趣的科目先再諗轉行喇!
2)屋企方面,你在經濟上你可給予家用俾父母...平時有空就多幫手做家務;母親的情況應大胆直接咁向醫生/社工反映!
3)見你寫嘢都好有紋有路喎!而你又識自覺有情緒病要求醫.......就算排長龍...都排隊去求診喇 !總有一日會排到你嘅!
天生你材必有用!任何煩惱事都必會成為過去,切勿輕言自殺喔!!!

2009-09-15 15:31:57 補充：
加油! 你一定得嘅!颱風過後就好幾日晴朗天啦!

我都好明白你
我既心情同你一樣

朋友方面可以比d意見你,你問佢地平時喜歡做什麼。例如打羽毛球,你就去查下規矩。間中約佢地去玩,他們喜歡打某隻game,你都可以玩下,問下點玩。從而產生共同話題。有了話題,你們的關係就愈來愈近,到時間就有更多生活上的話題。如果我有個不太熟的同事,我也不會無啦啦同佢廣生活上的事。
家庭問題幫你唔到,你也不需做任何事,因為你不是醫生,就算是醫生,能做的事也很有限。