點解公價人情係$500

香港無法例訂明公價人情係幾多，公價人情只不過係大多數人，去參加一個普通朋友（或較疏親戚）婚宴／喜宴時所付的人情金額，其計算大慨是使主辦人能取回成本，而家普通一圍酒（12人）大約六千元，故一般公價人情係＄500，如果唔去，個位不會浪費，但人地係辦喜事，唔做人情又唔係幾好，故一般做＄200或＄300。
其實做幾多人情，係睇你自己願意同能力，如果以後有不少機會見到，做公價人情，以免面左左，或者索性搵藉口唔去，做少 D 人情。
我的理念係，人情金額同主辦人身份有關係，死黨／熟朋友／好親嘅親戚會做多 D，同擺酒地方無關係，唔通你擺＄24000一圍酒我要做＄2000蚊人情，所以你講＄800酒店人情，可能好多人咁做，但我唔會，我會依我的理念。
至於生日酒 or 滿月酒，而家都少人擺，都係個句，睇你自己心意同能力，我自己嚟講，除非係好熟，此類酒席一般都唔去。

擺酒人情, 多數根據酒席的價錢調整的, 通常人的心理, 唔想拿主人家著數, 人情就好似不明文夾錢, 好似一圍酒席一個人比500, 12個人就收4800, 呢個價錢應該係酒席的中位價, 如果同佢fd, 你當夾錢之餘又可以比多少少當賀禮, 所以比多少少囉^^

生日酒,滿月酒你唔比人情都得, 不過你都可以送一份相約價值的禮物, 不過可能仲貴過比人情, 總之將心比心, 唔好比人感覺你拿主人家著數, 食左人地一餐, 有人會記你成世架!