我無朋友..都唔知點算...

首先，你要清楚你俾人笑，對方係惡意真係要欺負你，定係純粹玩下
因為每個人有試過俾人笑，俾人笑係非惡意既情況下時常都會發生
例如有d人踢波唔叻，波踢唔到人跌底左，大家笑佢
上堂果陣因為訓教，上數學堂答左經濟科d野出黎，大家笑佢
仲有好多騎尼動作啊、習慣等等，甚至自己講野講錯野，同學仔笑自己都係普遍
同樣，你都可以笑下輕鬆下，呢d情況笑下人仲可以化解尷尬既情況


所以，你講野俾人笑，係唔緊要，最緊要係你點去應對俾人笑呢件事
你會好大方法甘哈哈哈笑埋一份，講一聲係wo!然後話自己傻，
定係你會超認真甘回應大家，搞到個局疆哂，同埋搞到自己好唔開心呢？
呢d反應都影響左大家接唔接受你
個人就鐘意同d講得笑既朋友玩，你笑下我，我笑下你，唔會太拘泥小節，開心下就算

當你改變左你既想法，唔驚俾人笑，知道俾人笑係常見，人地笑你唔係為左欺負你，只係想緩和下氣氛，同時你都可以笑下人

我建議你一定要嘗試一下同係你身邊最近既同學仔傾下解
求其上堂啊、功課、老師壞話之類乜都好
你隔離果個一定係坐你隔離，走都走唔甩
如果甘岩你隔離果個又係唔多鐘意生保，
你就向前後同學發展，總之由近你既人開始

2009-09-11 02:31:14 補充：
(因為有字數限制，所以用補充)

同時間，你都可以參加下課外活動，識下其他班d人
課外活動通常都係1D興趣類、制服團體類果d
甘你同課外活動d人就有共同話題可以講下

仲有，係學校入面其實都有社工
因為我唔清楚你學樣風氣
你可以同社工傾下，問下佢意見

仲有番教會既話，小組分享果陣一定會撩你講野
到時你可以講下自己性格，等大家幫下你
你可以放心，其實教會d人都唔會笑人
佢地會欣賞你有改變

不過，我建議你都係自己嘗試左先，
去試下自己既真正交際能力同改變決心有幾大

2009-09-11 02:31:34 補充：
(因為補充有字數限制，所以再用補充)

如果唔得既話，唔洗即刻灰心，因為可能有其他重大既阻力
你可以去搵左社工先，睇下問既出左係邊

當然，超級贊成你願意既話，可以番下教會，
或者你可以睇下班上有邊個同學有番教會，
然後暗示下其實你都想番，對方ok既話你咪跟下佢番
或者睇下d同學有無咩教會推介
唔同同學一間就可以脫離學校個圈子
同一間又可以加強同學關係
兩樣都係有好處，任君選擇

最後，祝你成功啦^^
記住話個結果我知

4年黎一個朋友都冇-_-'

係會好辛苦 ..如果係個班到 人人都覺你係唔講野果種

相信你好難令佢地改變對你既印象..

係呢個時候一係就努力讀書 ..大個時做野再識過同事

一係咪轉校囉 轉左校D人唔識你 你就重新比過個印象佢地

不過內向轉一個環境應該都會好唔慣 ..

不過都要試下 唔係就好難識到朋友 ..


識朋友其實唔係難 你個班到應該唔會得你一個內向

你咪搵果D都內向既 傾下計囉

果D鍾意拎其他人黎講笑既 就唔好咁埋

唔係就真係只能換來比人笑-0-

其實我都好似你咁,暫時一個朋友都冇
回想返我中學個段生涯,小息lunch自己一個,受盡同學的白眼真係好難堪...最後我就用online game黎ma醉自己,搞到成績都差埋.
我覺得自己真係好蠢,冇朋友搞到學業都冇埋.哂左好多光陰.

侮次到一個新的環境我都抱住希望&提醒自己要講多d野,但最後都失敗,又變返好似自閉咁.

今年我讀ive,返左一排,眼見班上d人好快熟哂,我只係同一兩個同學傾過陣計,真係好驚好驚又好似中學咁.不過今次有點唔同,就係我會努力讀書,就算輸人際都唔可以輸學業.

其實我都好希望有朋友,不過冇的時候千萬唔好太唔開心,要懂得自我娛樂(eg.聽歌,畫畫),仲有因為我冇朋友比我舒發感情,so我有咩都同我阿妹傾,感情非常好.


順其自然啦,靜左咁多年,真係好難改變到,係未識到朋友之前千萬唔好太灰心,多d同屋企人傾計,努力讀書.

希望大家都可以快d識到好朋友啦!!

2009-09-13 17:31:48 補充：
識人最緊要的係埋堆,不過對於我地呢d靜的人黎講係一件好困難的事,因為唔知講咩好,又怕比人冷落,你可以選擇一d斯文/nice的同學堆,咁會冇咁緊張/驚.之後睇下人地傾咩,自己都講返幾句.

我只可以比我個msn你
[email protected]
做朋友

你的性格內向被動﹐選擇朋友方面﹐試吓認識性格相近的

同學做朋友﹐唔好揀D惡搞取笑人的神棍做 friend﹐咁樣會令

你更難堪！

其實個人的性格除咗父母遺傳外﹐成長階段的經歷﹐亦會影

响一個人的性格﹐如果性格不甚開朗的﹐朋友唔多都是正常﹐

不要太介懷....

如果有機會的話﹐試吓參加多D課外活動﹐睇吓識唔識到新朋

友﹐不要灰心啦﹐就算朋友唔多﹐只要你有心﹐﹐總會結交

到朋友既！

恩．．．．．．．
好難講啊．．．．
你可以試下玩ｆａｃｅｂｏｏｋ，
可以識到唔同地方的朋友

如果你唔介意ｇｅ話我都可以做你朋友嘎

ｍｓｎ：[email protected]

我都想識多個朋友

2009-09-11 23:14:53 補充：
我唔介意你份人悶，
因爲我都係個悶人

不好意思..我都諗唔到咩方法幫你..

如果你唔介意又願意既話..

我願意做你好朋友(我係女仔黎嫁^^)

雖然我唔係你d同學仔

但係我呢..最鍾意聽人講心事嫁啦

我俾你我既msn啦 [email protected]

哈~如果你唔鍾意既話

當無睇過la

去教會係可以邦到你，我都見到很多同你咁怕羞的人成功了。