我同一個好朋友講我有情緒病後，我覺得呢個朋友好似想疏遠我

其實你有甘既想法，驚你朋友疏遠你，
係因為你另一個朋友經常搵你傾問題，你覺得佢煩，然後你就代入你朋友既角色，
你變左另一個朋友，你朋友變左你，你呢種正正係同理心既表理

其次，你提到你唔同其他人講你有情緒病，係因為怕會影響到大家的朋友關係。
你一開始已經自己假設左講出黎友誼就會影響，所以亦造成你覺得呢位朋友疏遠你既擔憂

老實講，我相信你朋友應該唔係因為你病情而疏遠你
你要明白朋友間本來就唔會每一間時段都甘緊密
我想問對方係淨係同你少聯絡左？定係同某d人聯絡多左？定係同所有人都聯絡少左？
同埋如果你講比其他朋友知你個病，佢地就疏遠你既話，呢d稱唔上朋友

我覺得你朋友可能係以下三個情況之一：

第一.其實一個人如果淨係聽其他人唔開心既野
自己的確都會被感染到唔開心，因為人係有同情心
但有時候，如果自己遇上困難，心情唔好果陣，仲要聽人地唔開心既野，會覺得好煩厭
加上每個人既逆境智商、經歷都不同，
所以有d人面對同一件事，你就好似天跌落黎，我就好似只係被蚊咬左一下
對事件既關注度不同，會造成"你覺得我件事係小事"既感覺
有可能朋友正面對一d佢認為係人生中好重大既問題或煩惱
而未必能夠回應你既傾訴
既然你提到呢位朋友其實都好重要
你可以趁呢個機會，去了解一下佢其實係咪遇到d咩問題
同時，你可以多d講你開心既事，
而唔係每次搵佢都只係傾訴自己既唔開心，等佢都可以同你一齊開心下

其實人所遇到既困難同問題，往往其實都好相似，
相似在不同內容，同樣結構，所以大家先需要拎出黎講，彼此分享
睇下我所遇到過既難題，係咪你曾經遇到過，你當時又點處理？
甚或其實大家遇到同一個問題，講出黎可以彼此扶持，
等大家知道原來自己唔係一個人面對緊呢個問題，唔係自己一個人既問題。

2009-09-11 03:00:11 補充：
所以，我好贊成你繼續搵人傾訴你既唔開心
但同時，你亦都多D分享下你既快樂，
縱然係一件小小既快樂事，講出黎，都可以令人覺得你其實唔係甘負面

比多D信心呢段友誼同自己啦！

其實知道左你有病我覺得如果真系當你係知己朋友的話係唔會疏遠, 而係應該更關心你先岩

真心朋友係可以傾心事, 你個朋友唔聽你電話可能好忙, 你都唔好咁多心, 有時候你向佢傾訴, 佢比左意見你, 咁你係咪真係有聽? 如果你來來去去都係同一個問題, 而佢亦不厭其煩咁比左講左佢o既建議你, 但你聽左之後得到即時情緒上o既舒緩, 但之後你冇跟佢個建議去做, 你下次又再講番同一個問題, 咁人地覺得煩都好正常o者, 你咁做即係當緊人地係嘔吐袋咋! 你一唔舒服就嘔落去, 朋友幫得你一時, 唔幫得你一世, 問題都係要自己去面對, 唔通訓醒覺個問題就會消失咩? 你有情緒病, 咁你有冇去求診? 治療期間有冇準時服藥, 你要明白有d藥物係有副作用, 但唔跟足指示去治療就唔會好, 我有個同學佢有躁鬱, 佢醫緊, 有定時服藥, 感覺佢行為表現同一般人係冇分別, 同d同學一齊傾project時都有講有笑, 經常有笑料, 成績唔差, 唔係獨行俠, 所以有情緒病康復者唔一定冇朋友囉!

2009-09-11 19:27:53 補充：
就算一個冇情緒病o既人都唔一定有朋友啦! 你估個個都咁受歡迎呀?

您太多心了,很多人對情緒病誤解,都市病,外國似感冒一樣,我太太十几年了,初時一樣怕人知,其實唔係她身傍的朋友接受,主要係自己看低自己,看開些,我身傍的朋友有吸毒.有賭我都母看不起人,誤解.多些群體活動.

我都有一個有情緒病既朋友，不過佢比你嚴重，攪到我都就黎傻。。。

有好幾次，半夜打黎，叫我陪佢去急証，我要過海去陪佢架，以為好嚴重，甘去啦，點知佢咩事都無，之不過係想見下醫生，食下藥，最主要係要有人陪，ＨＥＬＰ次次都係半夜陪佢到天明。呢個朋友其實好幸福，有家人，鍚佢既男友，工作又好，不過仍不滿足，要身邊任何一個人都要１００﹪關心佢，當別人唔理佢，佢就同人講自己有病，控制唔到自已，仲要發你脾４，攪到我鬧又唔鬧得，同佢講道理又唔得，我自己都有感受架，真係頂唔順呀。。

我最想講既係，情緒個個都有，你有病係無問題，但都要諗下朋友既感受，朋友唔係醫生，唔知要點做，真係好低落既就要搵專業既人幫你，朋友唔可以一世陪住你，人地有事做唔理你就覺得自己好慘，甘樣講唔通ＬＯ