我做任何事都不能持之以恒,坚持到底,點算啊?

首先，不能專心的主要原因就係身邊有太多野令你分心同埋你ｏ既目標可能設定得太高又或者想同時間完成幾樣野，例如你話你學英文，想學到好流利ｏ既程度，減肥又想減到好瘦等等，都係你所希望得到ｏ既野。


問題就出現啦，假設你想開始學英文為例，咁你就開始打開英文書去學，初時比你學到一兩句英文，你當然會好開心啦，但之後當你看到一ｄ比較深而又唔明ｏ既英文時候，你會開始感到煩惱，跟住你又會可能見到身邊ｏ既誘惑，例如睇電視，食野等等，人通常有一種取易不取難ｏ既心態，咁唔需要多講，比我都會睇下電視好過！！！之後就會慢慢減低對學習興趣並且有一種挫敗感，但係你依然會對想學英文有一種憧憬！！！不過就係達唔到你想要ｏ既目標啦！！


要解決呢個問題，唔難！！！首先你要將你定下ｏ既目標細成為每一個部份，例如你想學好一篇文章咁，裡面有五百字，你第一次睇有ｄ明有ｄ唔明，咁你就要將你見到ｏ既難題用一本薄寫低佢先！！！例如，有ｄ生字你唔明，寫低晒佢，然後就係記事薄上查晒ｄ解釋先！！！當你對所有解釋明白之後，係個生字隔離＂剔一剔＂即表示你已經完成，當所有生字被＂剔完之後，你就會有一種成功感！！亦都表示你完成咗一部份。


字數太多，請看補充

2009-09-11 01:28:43 補充：
同樣，當你明晒所有生字解釋之後，下一步，你想背好成篇文章，咁又係一樣將五百字分五十份（假設佢每句有十個字），然後又係本記事薄寫低十個小目標，例如第一個目標係背好由第一句到第五句，第二個目標由第六句到第十句，第三第四之後如此類推，完成之後又剔一剔，當你見到第二個目標（背下所有句子之後）所有目標完成被剔完之後。咁你又會有一種成功，助你向下一個目標進發！！！最係成篇文章一次過背起來，又係用之前同一方法完成。

2009-09-11 01:29:41 補充：
請看補充

另外，你如果學好英文也好減肥也好，咁你就要搵一ｄ有相同興趣ｏ既朋友一齊，朋友之間互相討論亦都會加強你呢方面興趣，咁你自然會更加投入，對完成目標更有幫助。

以我為例，我想係ｙａｈｏｏ智識度想升級，我就會日日去答問題，並且日日睇住我ｄ分數有幾多，每當我見到我ｏ既分數上升時，我又會有一種成功感，推使我去繼續答問題，我由負分到而家有小小分數，就係我日日去答問題而又日日去睇分數進度去刺激我而得來。

2009-09-11 01:29:53 補充：
總結，完成目標就係將一個目標分成細份，逐一將小部份完成，並且記低你做咗幾多野。


大事化小，小事逐一攻克，不斷觀看自己成績，慢慢就會養成追求目標ｏ既習慣。

記住由今日開始用記事薄記低你要做ｏ既大目標小事情，並且養成經常查看記錄完成目標指數，咁你一定會成功。

2009-09-11 02:18:41 補充：
還有你而家失業在家, 一定會冇晒鬥志!!! 之後,就成日收埋係屋企, 慢慢就會懶散, 係咪??? 我之前都係好似你咁!!! 不過, 當我發現我已經係屋企, 又冇心機搵工, 成日掛住上網, 玩facebook, 再落去就係死路一條, 咁我就把心一橫, 日日走去勞工處睇下有乜工啱我, 跟住四週圍行, 行商場, 去圖書館等等, 又搵d野比自己做, 盡量令自己唔好懶懶閒. 之後我搵一份兼職, 人工好低, 但我就好比心機做, 之後就轉咗做長工, 人工又加埋. 希望你唔好成日留係屋企, 多d外出.



補充完!!!