貓貓食野成日嘔, 有咩方法醫好佢?

我兩隻貓都會間中嘔, 一隻係因為食野時太急, 另一隻就因為咬+食膠袋=.= 有時佢地舔地下都會. 你平時可以留意下貓貓有冇做上述的行為. 如果佢食垃圾or舔地板, 要制止佢. 我隻貓因為我極力阻止佢食膠袋,而家就好少會嘔喇.

另外, 你會唔會俾吐毛膏貓貓食? 貓舔自己會食左好多毛落肚,應該俾吐毛膏佢食幫佢吐出黎, 或者有吐毛功效的貓糧都可以. 如果佢好多毛係身體內,都可能令佢想嘔, 或是想嘔d毛出黎又嘔唔出.

你話貓貓直情瘦晒, 咁好似都真係嘔得幾嚴重. 可能佢消化系統/腸胃比較弱同埋敏感. 建議可以同佢轉隻專為腸胃差同敏感的貓而設的貓糧, 我兩隻貓腸胃都唔好, 有時嘔, 又容易肚瀉, 最近同佢地轉左隻for腸胃差的貓糧, 都真係健康左, d便便都靚左.

不過你都要留意下你貓貓除了嘔之外,有冇其他不適.佢會唔會冇晒精神, 唔願郁? 如果佢成個樣都好病, 咁可能佢真係唔止腸胃較弱, 而係有其他病(e.g腸胃炎). 如果係咁就真係帶佢睇下醫生好. 但如果有嘔, 但平日都冇野,仲好精神又會玩, 就唔使咁擔心, 同佢搞返好腸胃就應該冇咩問題.

以後一定要飲足夠的水 ,
貓貓每日所需水量(內有寵物飲水機資訊)
http://www.hkcats.org/phpBB2/viewtopic.php?t=25251

2009-09-13 20:06:35 補充：
若怕佢唔肯飲水 , 可用 貓罐頭 + 1倍水 混和 俾佢食 , 想吸引貓飲好多水除左一定要用寵物飲水機之外, 最好係佢成日出沒的地方放多幾盆水.用 白瓷製/不銹鋼 製成的飲食器是比較好 . 使貓咪多喝水的小祕訣
http://blog.sina.com.tw/inasia/article.php?pbgid=53412&entryid=583653

2009-09-13 20:06:52 補充：
成年猫每千克KG體重每天需要水分60毫升= 60ml/kg.
幼猫每千克體重每天需水60～80毫升ml , 而夏天需水量更大=100ml/kg.
舉例來說，一隻4公斤的成貓每天大約會從體內流失260毫升ml以上的水分才能達到均衡。
若 大便粒粒 + 大便乾硬 = 飲水太小
放多1個水盆於客廳中,就在貓時常出現的地方附近,貓真係會因方便就腳而飲水.

如果你隻貓嘔的情況係咁嚴重，我覺得最好先帶佢去睇Vet。要清楚佢係咪有異物塞住食道，定一話有病，好多時肝病會引至動物進食後嘔吐。如果佢嘔吐的情況已經明顯影響到佢的身體狀況，睇Vet係最佳的選擇。

你可以俾愛獅馬既消化靈或者乳酸菌貓貓，可有效改善貓貓腸胃及消化系統毛病:
http://www.yanyanpetservice.com/azmira.php
另外你可以先試下俾d流質食物貓貓食，呢隻羊奶好適合你隻貓貓，加上佢瘦，呢隻羊奶又好高營養:
http://www.yanyanpetservice.com/health.php
希望幫到你