✔ 最佳答案
你經常睇時間，檢查書包同書包拉鏈，呢d其實都算係好既習慣
不過，我認為你"多疑"，可能係因為你過往既經歷
我估你經常睇時間，係驚遲到？
你檢查書包只係怕唔記得帶野
我估你檢查書包拉鏈，係之前有唔記得拉拉鏈
不過呢D估計岩唔岩都係其次，
背後其實代表你壓力好大
係讀書壓力、家人壓力、交友壓力等等
你願意同唔熟既人講多d野
因為同佢地講野你無乜壓力
但相反，你身邊既人就令你有好大壓力
首先，你要容許到自己有錯，人出錯係正常
你既老師、家人對你要求可能好嚴緊，
或者你對自己要求能好嚴緊
但係如果人唔會出錯，甘就得人驚
所謂：聖人都有錯
而且從錯誤中學習都係好重要
所以，你第一步係要接受到自己會出錯，
唔好比自己甘大壓力，慢慢減少睇時間次數、
寫一張檢查表，剔底自己要帶而又帶左既野
唔准自己係甘查完又查，要信自己頂多兩次檢查就執齊哂d野同埋拉好書包鏈
你提到唔知人地同你講野既時候，對方係咪講真，其實有呢種懷疑係正常既，
因為人係有批判思考，唔會全數接受，人講乜就信乜
不過，如果你每一句都懷疑人地，甘你就可以甘樣想：
對方無必要講假話/果句說話就算係假都好，都無傷大雅/
對方係想講下笑、無聊得制吹下水之類
有時候人講既說話只係為左建立關係，或者抒發感情，並不存在真假之分，
你可以嘗試去感受對方既感受，唔去分佢究竟講真定講假
你提到你同唔係好熟既人反而講得多野，
但我想問你地講既內容深度有幾深？因為多又唔等於深
其實你選擇同人傾訴，係一件好事
2009-09-11 03:58:10 補充：
(因為有字限，所以用補充)
不過，同你傾得多，唔係好熟既其實又會變成熟既fd
個人建議你可以識一、兩個知心好友
因為好多人其實長大後，就發覺朋友唔需要多，一兩個知心好友，
知道哂自己既事，有咩就可以搵佢地，呢d支持係人生中係好重要！
最後，我唔知你屋企人對你好唔好，
你覺得佢地計劃緊趕你走，
係咪平時大家對你有好多不滿？定係佢地對你唔好？
2009-09-11 04:00:56 補充：
我淨係可以話，朋友都未必陪到你一世，
因為朋友有自己既家人、家庭，但你屋企人最重要之一就係你，
一般情況下有咩野一定係屋企最先幫到自己
如果你覺得係屋企人對你有好多不滿
從今日起你幫下屋企手，做下家務，滿足下屋企對你既要求
如果你覺得佢地對你唔好，
我支持你將"佢地計劃緊趕你走"既想法講出黎
XD我相信佢地唔會趕你走，如果真係計劃緊趕你走，
甘仲好，你早知早覺早補獲(講笑
趁佢地未進行，你就用行動黎破壞呢個計劃啦
(當然我相信佢地唔係真係計劃緊趕你走
Relax!容許自己唔完美，將心入面既野儘量搵人傾訴啦！
