寵物 倉鼠太多bb一問

A.首先一定要停止繁殖,唔係既話數目只會愈唻愈多,特別係有血緣關係,亂倫好易繁殖出畸胎,最好當然係一籠一鼠,鼠鼠始終都係獨居動物,一齊住易打交or生病唔知你既鼠幾大,剛戒奶既話(21日大戒奶),其實好多賣鼠既地方都會接收鼠b,連鎖店就未必收,所以可以去就近一D非連鎖店度,問左先,真係收就再送鼠去,但要留意,鼠B如果有毛病,就未必會收

都可以試下問朋友及網友要唔要,真係唔得,先再考慮愛護動物協會
http://www.spca.org.hk/chi/home.asp

B.無論問題幾迫切都好,請勿選擇"放生",鼠鼠可以話一定會死,除非咁巧合有人好快執左返去養啦,但相信機會好細
咁做隻倉鼠應該係會好快死,原因如下:
1.倉鼠做左寵物鼠一般時間,已經失去左野外搵食既能力
2.野外會有其他動物,弱小既倉鼠得牙同抓去保護自己,實在唔夠其他動物打,例如野狗野貓之類
3.去到野外,環境惡劣,鼠鼠習慣被受照顧,好易生病,但我估未捱到病,已經因為以上兩點而有意外了

而且放生,即係胡亂遺棄,有法例講遺棄動物:
(資料來自保護遺棄動物協會有限公司 www.saa.org.hk)
根據香港法例421章狂犬症條例第22節規定，「動物畜養人如無合理解釋而棄掉其動物，即屬犯罪，可被判處罰款$10000及監禁6個月」。
(http://www.saa.org.hk/public/contents/article?item_id=2507&revision_id=4085&print=1)

C.鼠鼠係繁殖得好快,繁殖鼠鼠既後果真係唔少,好多人繁殖完就要諗辦法遺棄,所以真係希望經今次之後唔好繁殖鼠鼠及一籠一鼠,鼠鼠好慘,做主人都會好煩惱
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可以會見到食b既情況

攞返去你買佢地間鋪頭！

可以送給親戚朋交,但千萬不要放生!

你可拿d倉鼠到SPCA，但唔建議咁做。令一個方法係送比D同事，同學or朋友。你咩品種？其實拿上UWANT討論區問下人要唔要。or如果你住沙田既話就加我msn，看下咩品種先，如果是布丁我就要啦！我朋友話想要喎！

2009-09-10 19:19:48 補充：
jimok970526:有很多物店都不會收倉鼠的

你可送給同學或朋友。

或可以送給寵物店。（有倉鼠的寵物店）

如：旺角金魚街、黃埔吉之島，有倉鼠的寵物店

你可以問吓一D親戚朋友,佢地要唔要...