請問百合可插枝種嗎?玫瑰? 羌花?

百合同薑花（羌花）都係草本植物， 係冇【枝】嘅， 佢地嘅莖係草質，唔會生出根嚟吸收養料， 唔可以就咁插嚟種。
百合要用球根種。
薑花用地下塊莖嚟種，薑花嘅地下塊莖同我地平時食嘅薑一樣樣，係同科嘅植物。 不過薑嘅地下塊莖用嚟食， 薑花嘅地下塊莖用嚟種出香香嘅花。
玫瑰可以用插枝繁殖， 但係我地在花店買番嚟嘅玫瑰，枝條係唔可以插在泥土種番生嘅， 可能係雪壞咗， 你想種就成盤買番嚟種啦。