刑事記錄披露詳情

✔ 最佳答案

要查一個僱員有冇案底, 你需要僱員簽份授權書俾你, 授權你代佢根據<個人資料(私隱)條例>第18(1)(a)及(b)條向警方要求查閱警方手上有關佢犯罪紀錄嘅個人資料.
你必須携同僱員嘅授權書, 親身前往位於香港灣仔軍器廠街 1 號警察總部警政大樓 14 樓嘅 "刑事定罪紀錄資料辦事處" 填寫及遞交一份 "查閱刑事定罪紀錄資料要求表格", 同埋俾 $50 費用. "出信" 係唔接受嘅.
如果你個僱員無刑事定罪紀錄, 咁職員只會口頭話你知佢無刑事紀錄. 如果佢有刑事紀錄, 咁職員會發一份該刑事紀錄嘅副本俾你. 當中載有該人所有刑事紀錄嘅罪名, 審訊法庭及判決日期, 與及判刑. 每一次犯罪紀錄都會個別列出.

回答 (1)