倉鼠成日縮埋一舊唔郁一問!!

A.鼠鼠可能已經有打交or一隻蝦一隻既行為,又或係唔舒服,一定要盡快分籠,唔係到打死打傷先處理就太遲了,倉鼠天生就係獨居動物,勉強改變鼠鼠天性放佢地一齊住,係好易會打交or因壓力而生病鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫
我細個時係一籠兩鼠,試過一籠放兩兄弟,佢地唔咬人,仲會一齊訓,互舔身體,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既;沖完涼再放埋一齊既方法我都試過好多次,一樣打得好勁
兩隻女鼠唻講,曾經試過一胎四隻女b,其中兩隻未戒奶就打生打死,無奈又唔分得籠,最後捱到分籠,一隻b耳仔冇左一部份,一隻就癲左咁成日大叫,又亂撞,唔食野

其實鼠鼠最好分籠,就算之後鼠鼠正常返,亦希望你可以考慮一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)就算唔打傷打死,都會感到壓力,壓力會誘發甩毛肚瀉等疾病
5)一籠唔止一鼠,仲會較惡,特別易咬人同比較難同主人熟
6)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.分籠之後要留意以下既事:
1)檢查兩隻鼠鼠身體及排泄物睇下有冇異常,有事就要盡快處理;除左檢查外,就唔好打擾鼠鼠,唔好抱鼠鼠住
2)分籠後最好將兩籠鼠分開D,籠太近都易令鼠鼠感到壓力
3)留意鼠鼠有冇飲食,有時鼠鼠受驚就唔食唔飲
4)新買鼠之後要俾佢靜兩日,再試呢個方法慢慢同鼠鼠建立關係,而家到鼠鼠正常返,檢查清楚鼠鼠身體及排泄物,確定到真係冇事先,再俾鼠鼠靜多兩日;記緊以下既步驟唔係幾日內就做到晒既事,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
b)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
c)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
d)再熟d再試下俾野佢食既摸下佢頭or身
e)佢都唔抗拒之後,可將食物放在手心,等佢行上唻食,慢慢佢會習慣左你既手
f)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

咁係咪好活躍果隻成日蝦另一隻呀！
或者佢地成日打架爭地盤！
另一隻輸左所以驚....我以前唔會將兩隻仔養埋一齊架！
因為好麻煩..成日打架....好嘈！發出D"之之聲"
應該唔會咁快死既！
但如果佢地再係咁相處唔到！
我唸最好分開養好D！