因為平時校服果d 都係我媽幫我搞開,咁我就除左件杉,叫我媽幫我去補/買過件
咁佢第2日就買左件番黎啦,但係佢無啦啦問我洗唔洗剪左後面個牌同埋攞件杉去洗,咁果時我就唔明佢無啦啦做咩要咁做啦,件杉本來就新既洗乜要攞去洗?個牌吉到我我自己唔識剪??咁我就問佢點解,佢當時就話,唔洗就算,慳番.咁我都無理佢
第2日我著件新校服就知大獲啦,我上次叫佢買,佢買大左一個碼
甘次買完番黎大左足足2個碼,我果下火都黎埋,有件比爛既比佢個板都可以買到離哂大譜,跟住就火火地咁除左件杉,再寫張便條叫佢去換過件
番到學校我諗諗下覺得唔對路,如果唔係我媽發現左佢自己買錯左size,但又唔想幫我換番件杉,做咩果晚要係到搞咁都野?仲要全部都會令到件杉換唔番?
跟住我番到黎屋企,我老豆問我咩事,我照直講佢買錯size,點知我老豆同我講我嬲都唔洗整爛件杉,我當堂呆左,我果時係好嬲,但都未嬲到會整爛件野,咁我就同我老豆講我我係學校諗到既野,再推論件杉整爛都可能係我老媽搞出黎
佢地既反應好大,話買錯件杉係小事,但係點解我會咁諗我老母
但我完全唔覺得我諗既野有問題
首先,我媽唔係唔會推卸責任果d 人黎,好似有一次我老豆煮豆漿比我老母食,而我就不嬲都食麥皮既,甘番到黎我老豆就開發現左有個獲loan左,就問係邊個整既,咁我媽就屈係我煮麥皮搞到咁既,但我老豆佢知我唔會用果個獲去煮,就識破左係我媽想整熱d 豆漿,但係掛住炒股而整loan 左
第2,假設我媽想剪左後面個牌同埋攞件杉去洗係真係佢唔想去換
咁佢第2次佢整爛件杉都唔係無可能wor,大家諗下個目的同個手法都好相似
我知咁諗自己啊媽好似好恐怖,但係如果我啊媽真係咁諗同咁做我覺得仲更加恐怖
其實佢地細細個就對我期望好高,又要我游水叻又要我讀名校
但係講到比錢我出去玩,出去識fd 就唔多1個月得800,包搭車食飯
計番都係一日比得20 蚊我食飯,其他活動根本就完全唔比錢,我指係日常生活比既pocket money,如果有咩特別事都會比d 獎勵既佢地
但係佢地仲要成日沾沾自喜,以為自己比到我好好生活
因為我既社會生活可以講過係好少,我都唔知我自己諗野係唔係真係入左個死胡同而自己又唔知
希望大家就事論事,講下係咪我思想有問題??
更新1:
同埋我老豆老母唔係有錢,老豆無做野 不過啊媽就賣小首飾,但佢唔識炒股票 又成日會忍唔住去炒,有時炒輸左比我地成屋人串 我果時都好唔鐘意佢咁,佢有錢去炒股,但無錢比pocket money? 而且勝左錢又唔見佢改善到我地d 咩生活wor 可能佢地覺得d 錢係佢地辛辛苦苦搵番黎 但係我覺得就算係辛苦都好,都應該搞掂自己既仔女先 如果放任自己既仔女去做自閉仔,電車男,但自己就去賭錢既 我覺得佢地真係唔要得囉
更新2:
我一日大約要用30-40 蚊到 20 蚊係食野,10蚊搭車,有時要游就要搭多2程就20蚊搭車 平時我想出街已經唔係買唔買野既問題 係為有冇錢搭車,or 出街食一餐而煩
