羅湖商業城車站去東莞清溪

以上兩位所講羅湖客車站的位置都正確, 車站是在羅湖口岸大樓地下與深圳羅湖關是同一棟大廈, 如果你唔識路行過去大可以在過深圳關時問吓前後左右有無人帶您行, 有好多香港人過完關後都會去客車站或橋社搭車, 相信有人會幫到您, 我自己係女仔都系一個人搭去清溪, 每個月都要返去做野, 如果你搭到去清溪客運站就唔使中途叫落車, 搭這類型巴士等同你在香港搭紅綠VAN一樣, 個牌寫住會途經邊度但並不是架車到果度就會停, 你要及早揚聲司機先會停比你落, 唔出聲就直過, 回程時先會系指定站頭停車因為要等客, 由於你無講去清溪那一處我不知是否會經過你所去目的地, 你可以問司機會否經過, 如果經過司機在情況許可下都會停比你落, 搭多一兩次你就知情況, 去清溪個站頭系羅湖客車站7號位, 費用三十元人民幣, 每隔二十分鐘一班, 通常開車時間都會在9:00/ 9:20/ 9:40/ 10:00(只係舉個例), 車速會安全因為去清溪行好少高速公路, 不用太擔心, 唔知就問吓人

2009-09-12 15:05:43 補充：
我問當地同事說這架車不經廈泥, 但最好你問一問司機, 如果唔經你可以系清溪客車站搭5號公巴去到, 打的就約廿零蚊去到, 唔會好遠!

我未去過~.~一出關就係羅湖商業城嗎? 清溪個車站係商業城入面???? 停站係自己叫停就停定咩 兩個都唔同既...

過完關啦，出左去羅湖果到之後，你向右望就應該會見到有淺藍色既電梯，格尼就有好多大巴在的，但你需先撘電撘之後向右行入羅湖商業城入面，就應該直行會見到巴士車票售票處的，咁你就排隊，排到你呢就講比售票完知[唔該去東莞清溪，一個大人]比左錢之後，如果佢係即買即上的話就沿電梯下去吧，如果你不清礎就問一問保安，千萬不要亂行，羅湖商業城小偷很多，如果你買了的車票不是即刻有得上既話，時間短就下去慢慢找一找去東莞清溪的車在哪，票上應該有車牌的，時間長就去候車室等等吧，但要小心，哪裡有很多流浪漢的，十分臭。
大巴不是叫停就停，是有巴士站的(是指終點站)，但也有中途停車站，但也是在東莞入面既巴總，以我為例，我乘座大巴到廣州，但中途也會停廣州市內的[廣源站]架!李入行李箱時，佢會有張貼紙寫住你既座號一張貼在行李，一張貼在車票上OR有D唔會比你，只貼在行李上，你拿番就講號碼。

車次:
起點:罗湖汽车站 目的地:清溪 里程:73公里
出發時間:07：30-20：30 20分钟/班 (头尾班车40分钟一班）
途徑地點:雁田、鳳岗
參考:http://jt.sz.bendibao.com/keche/search.asp?qs=清溪

如有錯處，敬請原諒

2009-09-09 20:49:06 補充：
票價成人:25元RMB

您過左羅湖關後一出大堂轉右手邊羅湖商業城入口搭LIFT或行一層樓梯上去就系羅湖客車站, 果度有好多大巴走不同路線, 您搵番車頭寫住去雁田, 鳳崗, 清溪果架搭, 上車後問聲司機或售票員系咪去清溪, 因有架去嘉輝車頭都寫住去清溪, 車費RMB$30, 每廿分鐘一班, 全程約一個鐘鬆D, 架車基本上有三個站會問吓有冇人落車, 唔出聲就直過,雁田豐田、東山酒店、鳳崗金凱悅酒店, 其餘就客出聲先停,尾站系清溪客運站一定落哂!

2009-09-09 21:39:08 補充：
我上星期先搭完，ＲＭＢ＄３０先正確，我近半年系雁田返羅湖都要廿八蚊啦，可況清溪仲遠過雁田，廿五蚊幾耐之前？仲有呀，我系寶景門口都唔知落過幾多次車，　果度冇站頭，　咁唔系個客叫落就落？明天請打去羅湖客車站８６－７５５－８２３２１６７０ＣＨＥＣＫ吓去東莞清溪幾錢！