關於單鏡ga一d問題

大部份都有,只有一啲比較高級既機身會冇,因為預咗高級機都會用外置閃燈.
比起內置閃光燈,外置閃光燈火力較大.可以照量更遠的距離,而且位置比較高,冇咁易有紅眼現象.又可以轉角度射向天花板或牆壁玩反射閃光令光線更柔和.而由於火力大,仲有空間可以加柔光罩等等光質冇咁硬.仲可以玩離機閃燈令光源不一定在正面直打,變化好多,係值得投資的配件.
Tele鏡通常作用就係把遠景拉近,例如個人企得好遠,你又唔可以走埋去,用短鏡影的話佢就會好細粒,用tele鏡就可以將佢拉埋來影得大啲.
你可以去以下網頁睇下唔同焦距既變化.
http://www.tamroneurope.com/flc.htm
小白其實唔算重,就算最入門既機身都可以承受到佢既重量.再重啲既例如300mm f2.8, 400mm f2.8嗰啲就渣鏡身比較好,尤其係入門機既塑膠機身唔多夠實淨.中階機或者高階機既金屬機身應該就唔怕,不過其實支鏡咁笨重淨係渣機身都唔就手好易跌.