直到遇到佢 佢同我一樣經驗過婚姻失敗 而且佢重有個小朋友要照顧
當初係佢叫試下一齊 而我開頭一樣好驚會再比人拋棄
但佢同我好多野都好似 佢好明白我 所以我地就一齊左
我知佢要照顧屋企 重要養小朋友 返工亦都好忙
行街睇戲食飯都未必會做到 我一早就知 我亦都明白
所以我都有體諒佢冇介意過 有時想見佢唯有上佢屋企
同佢傾下計見下面 一齊訓返晚(no sex)
但佢有時真係忙到成日都打唔到一次比我 到打到比我
講幾句佢已經訓著埋....都唔緊要啦我知佢好辛苦
但前幾日....當佢知道有人追我果陣...
佢同我講 不如做返朋友 我問點解
佢話佢冇時間 又話佢好多野要照顧 冇時間照顧我
講真 我冇用過佢錢 我知佢份糧要養家養小朋友
雖然我幫唔到佢手 但我亦都唔使佢養唔使佢照顧
我真係好唔明點解 當初一齊果陣佢就已經同而家一樣咁忙
既然佢話開始 點解而家又要分手 如果係咁做乜[比希望我
雖然開始左唔係耐 但我一直最擔心既野最終都發生左
好似有人要我佢就可以走咁...當我係乜....
我冇要求過佢陪我行街 冇要求成日見面 我只係要求一樣野
每日打個電話比我 等我安心就ok 其他野我唔使佢付出太多
因為我都好想體諒佢 知佢辛苦 倒頭來....
佢重同我講話 拍拖會做既野我都比唔到你
你同第二個一齊重幸福 我唔想晒你時間....佢咁講我真係好hurt
我介意既我唔會同佢一齊同得佢一齊我根本唔會介意
點解都要分手....我重有乜做得唔夠好.....
我有同佢講過我唔會介意佢任何野 但佢話佢真係太多野煩 太多野要照顧 真係冇心機時間拍拖 佢唔係唔鍾意我 而係佢話佢根本完全抽唔到時間出黎拍拖..... 我真係冇介意過佢忙到咁 有時我只係上去佢屋企 佢陪我一陣就已經訓左 我都冇介意過 反而佢介意佢自己比唔到幸福我 咁就放棄我 咁同拋棄我有乜分別....我自問我唔係100分 但我做到既我都盡晒力去做 就連呢刻佢要度分開 我都冇勉強想一齊 因為我尊重佢決定 但的確好唔開心
有時愛一個人唔一定要捉住唔放 勉強冇幸福 佢話過同我拍拖連有時抽空陪我行下街都唔得 佢接受唔到自己咁樣同人拍拖 我當佢係真係床我好分手又好 耤口純粹想飛我又好 一齊果陣要雙方點頭 分手事但一方決定就已經冇得返轉頭 唔開心點都會有 不過經過今次我真係覺得拍拖好恐怖.....
床=為
我唔明 就算佢有小朋友 就算佢份糧養晒家冇錢剩又點 我有我自己搵自己食自己養自己我唔需要佢養我 我有剩重可以幫佢 我覺得我同到佢一齊就算辛苦我都一樣可以幸福 幸福同金錢唔係成正比咖 我有同佢講過 佢比我既答案係唔想我再為佢付出任何野 佢話唔值得 但我覺得值.....當然我冇得逼佢繼續同我一齊 佢想我幸福我一樣想佢有幸福咖 我知佢好介意佢個小朋友 佢又驚我會唔鍾意佢個小朋友 又驚比唔到幸福我 又驚照顧唔到我 更加驚我會因為有人追而唔要佢 但我真係乜都冇介意過 一齊之前呢d野已經知 亦都諗得清清楚楚 我先肯開始同佢一齊 倒頭來未諗清楚果個變成係佢 呢點令我其實幾失望....
z3997813: 我係女性.....我講緊果個唔係條女係男性.... 其實令我唔開心同失望既係 佢想開始在先 大家都失敗過 當然要諗清楚先開始 我亦都有問過佢係咪真係諗清楚 既然諗清楚左 又決定一齊ge 點解又要用 驚我冇幸福 冇時間拍拖做分開理由 我尋日見過社工 社工同我講 就算將來想同人地一齊 都要諗清楚 講分手 就算乜野原因都好 聽分手果方都一樣會受到傷害 就算我一個人明白呢一點 對方唔明又有咩用....
