✔ 最佳答案
早前就好似（新聞透視）所講：凡系我地睇唔明、聽唔明既野最好就唔好去試，尤其是食落肚既野！
“yahoo知識”里面D傳銷公司、減肥產品公司一見到（減肥）理個標題就起細噤（賣廣告）破壞晒“yahoo知識”真正的意義。
其實無論系男或女（瘦）要瘦得健康美至靚既，而唔系只系瘦瘦瘦就一定靚的。
現在市面上有太多太多唔同既減肥產品啦，所以想要瘦身減肥既朋友好容易被一些所謂的天然產品、中藥成分的產品、電視廣告、雜志廣告、報紙廣告吸引到。
有些藥系天然但唔一定系健康，又有些中藥含有西藥成分（禁藥）而令效果更好而已。
但以我所知市面上的產品大多數系使用興奮制、利尿制的成分，當消費者服用左一些產品後去磅重時見到自己輕左就以為這產品有效，但其實這產品會對個肝同個腎都會做成傷害，我記得在五六年前新加坡有一個女仔食左一些減肥產品後腎衰竭死左。
某些產品服用後會情緒低落、胃口唔好、訓唔好就會產生焦慮症，憂鬱症。
重有好多年前我睇過新聞透視講有些減肥產品（膠囊裝）的，句講服用後大便時就會哦D油出來，但新聞透視記者示范：將個粒膠囊掉落一杯溫水，當粒膠囊溶化後杯水既然會有油在水面。所以這都系欺騙消費者的。
好多人都誤會肥胖的原因：
1.好多人都話因為我父母肥，所以我遺傳到肥。其實系因為家人的飲食習慣既問題所以并唔系因為遺傳，因為你父母食乜孩子就跟住食乜，所以就誤會系遺傳。
2.肥胖可以系初出世時養成的，因為每一個新生嬰兒的身體的大細，器官的大細都唔一樣，有D母親好怕BB食唔飽，所以開幾多奶就要BB全飲晒之安樂，導致BB個胃就增大。
3.新生嬰兒一出世最好就系飲母乳，因為母乳大的BB唔會噤容易肥，雙反，如果飲牛奶的BB就會比較肥，因為牛奶內的脂肪比較高，所以容易發胖。
4.自己的飲食習慣唔均勻既問題，一般為食（貪食）既朋友，鍾意食零食既朋友，鍾意食肉同食煎炸油膩食物既朋友都比較肥，因為不停累積脂肪同固醇，噤又賴的邊個呢？
其實肥胖有好多因數的：
1.食野唔定時
2.飲食唔均勻
3.夜訓
4.新陳代謝過慢
5.荷爾蒙失調 （你剛剛生完BB無耐，應該都系荷爾蒙失調的）
6.纖維量過少 等等，等等！
實在有太多太多原因至會導致到肥胖的。
你可以試下我Keep Fit的方法，我十幾年都可以保持48kg左右哦！
以下系我的日常生活習慣同飲食習慣，你可以作為參考：
1.每日一早，一打開眼就飲一大杯清水（有助排毒）你可能需要一段日子來習慣。
2.每日都會定時食三餐，每餐只食七八成飽（多菜少肉）多食湯煮食物、清蒸的菜餚（如果你依家的食量好大就要慢慢開始減少，慢慢來，唔駛急，唔好整壞身子，健康最重要）。
3.絕少食零食（零食鹽份、糖份、味精過高）會導致（水腫）
4.絕少飲汽水和甜野（包括甜品）甜食的糖份會轉化為熱量，如果熱量過高，消濠唔晒身體就會將它轉化為脂肪。
5.絕少食煎炸油膩野（油膩）食物卡羅里消濠唔到身體也會同樣將它轉化為脂肪。
6.一定唔可以食宵夜（早訓就唔會肚餓的）如果真系餓，訓之前半個鐘飲杯豆漿至訓，如果可以盡量都系唔好飲啦，怕水腫。
7.盡量唔好超過晚上12點訓（荷爾蒙正常，新陳代謝正常）身體就唔會腫脹，對減肥也會得心應手。
如果夜晚我有同朋友出去，全部人食宵夜，而我就只有飲杯野，所以朋友都講我，意志好堅定，因為我從來唔會被宵夜引誘到的。
注明：我系Keep Fit而唔系減肥哦！
因為減肥既人，一停止服用減肥產品就會打回原形。
Keep Fit就唔會呢，因為Keep Fit系一個健康的飲食習慣同生活習慣！
我覺得無論系男定系女，Keep Fit就系我地既終生事業，所以我對自己健康美的身體好自豪的（尤其是你，因為你健康BB至會健康快樂地成長的）。
希望你也可以做得到啦！^.^
如果有疑問或者想找人傾計都可以MSN或者發電郵卑我。
來信時請注明你系Yahoo知識（你所問既問題）我就知道你系邊個既啦！
我MSN同電：
[email protected]
我叫做琪琪。^.^
2009-09-13 21:56:22 補充：
001的鹽水排毒唔系唔可以，但系長期落去對個腎同個心臟都會受破壞的。
祝福你！
