nikon D300s? D3000? D90?

沒錯,D3000是Nikon的入門級單反,跟450D差不多級數.
D300s這麼貴是由於用料同性能都好好多.對於一些難度題材的把握能力較好.
首先用料己經唔同,D300s係鎂合金機身,其他入門機機身好大部份係塑膠.
D300s係用咗Nikon最先進既Mutlicam 3500對焦系統,有51個對焦點,其中19點係十字型.其他幾部都只有中間一點係十字型對焦點.十字型對焦點敏感度係單線型三倍而且沒有方向性,一些單線型對唔到或者對得慢既位,十字型就會冇問題.
連拍方面又D300s有每秒7幅.D90只有每秒4.5幅,D3000更只有每秒3幅.450D及500D則分別是3.5幅及3.4幅.對於要啱啱影到嗰刻既題材例如賽跑沖線,藍球入樽等,連拍多撞中既機會都較多的.
D300s, D90,500D都可以拍片,D3000及450D唔得.
雖然咁多部機個mon都係3吋,但只有D300s,D90同埋500D係92萬像素,其他兩部都係23萬像素.
只有D300s同D90既觀景窗係用咗五稜鏡,其他幾部都係較暗同細既五面鏡,需要手動對焦時較光亮既五稜鏡會較有利.
D300s及D90有雙轉盤,可分別調較光圈快門,其他幾部只有單轉盤,用全手動的話就要用一個轉盤搞晒光圈同快門,冇咁方便.
嚴格來講,D90係比500D高級的.
其實咁多部機個cmos都係咁上下大,像素多小對畫質影響亦唔係好大,畫質基本上部部都係差唔多.所以大部份人會覺得買入門機抵啲.呢個諗法都正確,不過要視乎你拍甚麼題材,如果只係影下風景,家庭照等可以俾你慢慢搞的題材,咁可能分別真係唔大的,留翻啲錢買鏡頭好過.不過好多人都忽略咗有時影得到比影得好更重要.好多人都係買咗機之後問我隻狗走來走去點影,暗地方對唔到焦點算等等.
有時對焦快啲,準啲,連拍快啲,觀景窗睇得清楚啲,按鈕多啲唔駛下下入menu等都有助加大成功拍到照片的機會.有冇價值就視乎你有冇需要喇.

以下網頁有咁多部機既規格
http://www.dpreview.com/reviews/specs.asp

2009-09-10 08:49:23 補充：
其實鏡頭好難話夠,就算你買咗18-200mm遲啲可能一樣有需要買其他鏡頭.可能要大啲光圈,可能要焦距再長啲,又或者焦距再廣啲,又或者微距等.....
我會建議你都未知自己需要時用翻kit lens即係EF-S 18-55mm f3.5-5.6 IS就可以,唔夠用先再加鏡頭.
18-200mm嗰啲高倍變焦鏡其實只係貪方便,畫質比18-55mm差的.如果你買機目的只係求畫質好過DC仔,一切要方便行先唔駛換鏡,咁可以考慮,否則都係分開兩支買好啲.

2009-09-10 08:52:24 補充：
回答補充唔到,唯有用意見補充.
其實鏡頭好難話夠,就算你買咗18-200mm遲啲可能一樣有需要買其他鏡頭.可能要大啲光圈,可能要焦距再長啲,又或者焦距再廣啲,又或者微距等.....
我會建議你都未知自己需要時用翻kit lens即係EF-S 18-55mm f3.5-5.6 IS就可以,唔夠用先再加鏡頭.
18-200mm嗰啲高倍變焦鏡其實只係貪方便,畫質比18-55mm差的.如果你買機目的只係求畫質好過DC仔,一切要方便行先唔駛換鏡,咁可以考慮,否則都係分開兩支買好啲.