養倉鼠(小露寶品種)

A.剛買鼠就同鼠鼠有接觸,俾鼠咬係好正常既事鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,帶你去一個陌生既地方,再一手就拎起晒你整個身體,我諗都會幾驚.所以慢慢唻,俾d耐性同時間吧,同時要留意有冇第d野令鼠鼠受驚,新鼠係要時間去適應環境同人,俾多D耐性吧,愈急只會令問題惡化,小露寶較神經質,更加要小心慢慢唻
被鼠鼠咬到係冇咩危險,但傷口一定要處理既,所以記得消毒同貼膠布

B.先檢查鼠鼠身體及排泄物有冇異常,怕鼠鼠有咩唔舒服or受驚後誘發疾病,除檢查外就唔好攪鼠鼠,到肯定鼠鼠冇咩事時,再兩日唔好掂鼠鼠,之後再用以下方法同鼠鼠熟,但要留意,以下既步驟唔係幾日內就做到晒既事,心急反而對鼠鼠唔好:(耐左都同鼠鼠唔熟,都可以試下做):
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
2)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
3)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
4)再熟d再試下俾野佢食既摸下佢頭or身
5)佢都唔抗拒之後,可將食物放在手心,等佢行上唻食,慢慢佢會習慣左你既手
6)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

如果同鼠鼠熟左都仲咬人,可了解返鼠鼠咬人既原因多,詳細可參考:
http://hk.knowledge.yahoo.com/question?qid=7009080801774

C.小露實速度好快,日後就算同鼠鼠熟左都要小心,加上鼠鼠係逃走專家,所以好易走鼠,避免鼠鼠走佬,最基本要留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)放鼠出籠時,一定要同鼠鼠有一定既感情先,放鼠出籠詳細要留意既事可參考以下我回答既知識:
http://hk.knowledge.yahoo.com/question?qid=7008031400344

D.鼠糧外有冇俾過D咩俾鼠鼠食?唔建議俾蔬果之類多水份既食物俾鼠鼠,易令鼠鼠肚瀉,但食左既話都易令鼠鼠唔飲水,因為當中已包含水份,冇食過D咩又冇飲水既話,要留意以下既事:
1)首先要檢查水樽會唔會出水有問題
測試水樽出水有冇問題,最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況,用手又可以感覺到出水時會唔會出到但困難,我次次換水都會咁試既
水樽掛在籠邊OR睇返佢既設計係要點放,唔會放得太高,方便鼠鼠飲用,初初用新水樽,最好就係放好之後,用手再測試一下在籠內係咪真係出到水,如果水樽出水真係有問題,就要盡快買過個新
2)如果水樽可以放上樓上就先將水樽搬上去,放食物同水放近鼠鼠,等鼠鼠唔洗行咁遠都食到飲到
3)試下將水整落籠or屋仔邊,通常鼠鼠都會舔走d水,當然要洗乾淨呢d位先啦
4)水樽入滿水,方便睇佢有冇飲,仲冇咁易漏水
5)多加留意鼠鼠身體及排泄物有冇其他異常
6)留意散熱問題,太熱鼠鼠會好辛苦,冇飲水仲易會中暑,熱天要留意既事可參考:

E.頭既毛變左色即係咩色呢?有冇濕濕地咁?小露寶較多汗,特別易頭濕咁,咁就會D色會好似有D唔同及疏左
可以幫鼠鼠沖涼,新鼠沖涼方法:
http://hk.knowledge.yahoo.com/question?qid=7009073100092
如果真係甩毛既話,皮膚病處理方法:
http://hk.knowledge.yahoo.com/question?qid=7009090201949

都要留意你買既會唔會唔係小露寶而係小賓女呢?佢既祖先係小露寶,但佢既毛色出現左異常既退化,所以比小露寶淺色,仲好多時會愈養愈淺色,接近白色既情況
因為係DNA異常,所以並唔適合繁殖後代,用唻繁殖只會令日後既鼠更弱

2009-09-10 16:34:14 補充：
咁即係佢既頭有冇濕濕地咁?
好抱歉,我已經冇用msn了,可以試下將相片upload再放link出唻,呢個網唔錯又易用:
http://photobucket.com/

2009-09-11 04:19:35 補充：
咁要特別留意返鼠鼠會唔會太熱,,定係自己舔濕or水樽漏水,熱天要留意既事可參考:
http://hk.knowledge.yahoo.com/question?qid=7009061900335 第2點
d毛濕濕地就會似係冇左毛及顏色唔同左,可以睇下冇濕既時候會唔會冇左毛;都要留意身體其他部份有冇濕及異常

2009-09-11 04:19:59 補充：
咁要特別留意返鼠鼠會唔會太熱,,定係自己舔濕or水樽漏水,熱天要留意既事可參考:
http://hk.knowledge.yahoo.com/question?qid=7009061900335 第2點
d毛濕濕地就會似係冇左毛及顏色唔同左,可以睇下冇濕既時候會唔會冇左毛;都要留意身體其他部份有冇濕及異常

2009-09-11 04:27:23 補充：
好似補充唔到,呢度補充一下:
有少少濕濕地 個頭上d毛分開左兩邊 頭頂中間黑黑地 冇毛
咁要特別留意返鼠鼠會唔會太熱,,定係自己舔濕or水樽漏水,熱天要留意既事可參考:
http://hk.knowledge.yahoo.com/question?qid=7009061900335 第2點
d毛濕濕地就會似係冇左毛及顏色唔同左,可以睇下冇濕既時候會唔會冇左毛;都要留意身體其他部份有冇濕及異常

2009-09-16 00:21:38 補充：
如果都唔係太肯定,又或者甩既毛好少既話,就可以先做好預防皮膚病及散熱既問題,預防皮膚病方法:
http://hk.knowledge.yahoo.com/question?qid=7009083001889
真係確定係甩毛,情況又唔算輕微or有惡化既話,皮膚病處理方法:
http://hk.knowledge.yahoo.com/question?qid=7009090201949

你可以係捉佢沖涼果陣帶對手套去捉佢..但係唔好咁大力捉住佢.就算佢咬你你都唔會痛..同埋拎d食埋去引下佢