應該給多少時間男朋友冷靜去理分手一事?

以下係我既分析:

我覺得妳男朋友其實係好鍾意妳,鍾意到一個無法自拔既地步,就個case 睇,妳男朋友覺得佢有氣管既問題會令妳感到有負擔同壓力,佢覺得唔想令妳太過有包袱,所以成日同妳提出分手.

講番件事,妳男朋友有氣喘其實又唔係好大問題,點解講到有絕症咁呢?所以我覺得現階段妳再同佢講咩鼓勵性既說話,又或者妳唔介意呢類說話已經係冇用.一個人自己轉牛角尖,係要佢自己解先得.所以我提供一個比較另類d既方法比妳作出參考,妳亦可以同佢既家人商討一下方法既可行性.

1.先了解病情,係咪有方法可以醫治!

2.妳男朋友既然咁想同妳分手,妳唔好作出明確既回應,妳自己亦都退一步,唔好由女朋友身份,試下用一個朋友既身份同佢交談,而妳同佢講既時候千析唔好有保留!

3.要佢家人唔好因為佢呢件事太過擔心,有時家人既擔心對佢會係一個負擔,更加會令到佢感到自責同自卑.所以其家人要照平常生活對佢,令佢覺得佢並唔係家中既負累,自然想法都有唔同!

4.妳少d對佢作出正面既接觸,但妳仍要不時同佢既家人作出聯絡,知道事態發展,間中妳又約下佢出來食飯,行街,睇戲.(朋友方式),到時搵d話題同佢傾下,等佢個心舒服d,唔覺得自己係會令妳受傷害!如果佢身邊有d要好既朋友亦可以搵埋佢地協助.

最後,其實妳男朋友而家唔係只得氣喘問題,而係佢本身已經有心病,正確d講如果佢得就當然搵心理醫生睇下會係最好,不過以妳男友個case佢應該唔會去睇,所以唯有要靠妳,佢既朋友及家人作出唔同既心理輔導,令佢再係思想上踏入正途,一個人想通左就自然會解決到問題啦!

希望可以幫到妳啦!

因病引致的情緒問題還是要在病理上解決。
如果沒有什么手術和特效藥令他接近常人的健康，這個問題會一直困擾下去。這不是心理問題，所謂的冷靜是沒有意義的。
長病無孝子，你想做人條女還是私家看護？
長痛不如短痛，拍拖求開心而已。
還是分手吧。

我覺得呢個時候你好應該係佢身邊同佢度過時艱,
佢咁為你諗,証明佢都好愛你,只係想你好,想你幸福!
所以唔好放開呢個人...

其實佢應該都好鐘意你，只係因病一時諗唔通！
無錯你要俾佢冷靜，但你都要俾佢知你好關心佢！
但唔可以俾佢覺得煩！
呢Ｄ情況你地係會辛苦Ｄ，但大家相愛就當係一種
考驗吧！