好唔開心!!!信用卡點解唔批=[!!?? 20點

有無問中銀點解唔批比你?

你在外面有無其他私人貸款?

假設你外面無其他貸款, 照你所講最大可能是你提供的入息証明未能符合他們的審批條件.

現在你已經有3個月的入息証明, 試下申請其他銀行嘅信用卡可能會 ok.

如果你堅持想要中銀信用卡, 或者過兩個月後再試下入表吧.

你係咪有其他數未清呀? 咁信用額用哂, 梗係唔批啦; 又係咪有好多張信用卡呢? 唔用既就cut左佢啦; 最近係咪同時申請左多張信用卡呢? 係既話, 銀行會覺得你可能想一次過碌爆卡再申請破產, 有走數嫌疑噃; 有無check過自己既信用記錄? 如果記錄不良(可能係記錄錯誤咋), 一樣唔批架; 你執執自己先再試, 等兩個月都幾合理。
講開又講, 電腦呢家野, 等等下就平, 好快啫, 可能你兩個月後已經唔駛分期買, 重好! 話哂, 理財之道首要唔好提前消費, 量入為出呀......

你部電腦在吉之島有得賣嗎?因吉之島有間aeon信用財務可以不用credit card 做分期,但要等aeon批(check你的信貸資料有否不良記錄),正常第二日會有通知ok否,同時可在場申請埋佢地張credit card,立即批卡,仲有5000額比你係場用(如沒變).

你試吓