笛子同舌頭~~~~~~~~~

✔ 最佳答案

ｈｉ～又係我呀，哈哈＝～＝答左你問題先啦
＝＝＝＝＝＝＝＝＝＝＝＝＝＝＝＝＝＝＝＝＝＝
Ｑ。吹笛時應該點用舌頭？
Ａ。哇＝～＝你問Ｄ問題真係好抽象好雕鑽，哈哈＞＜～
　　其實呢，吹笛既時候，舌頭既運用，係好影響你既音色同埋發音既，對於笛子既基礎而言，最基本最基本既係吐音，咁吐音既時候，舌頭係點樣架呢，就係我呼氣既時候，舌頭彈一下發出ｔｕ既動作，所以先叫吐音，咁呢樣野，真係可以大約講個形式、類似俾你，點解呢？因為人人果個身體狀況都有ｄ唔同架，咁所以好難有一個統一既標準係到，可能有ｄ人條舌頭比較厚既，不過佢吐音果種係比較大力少少既，呢ｄ就無得講…不過大約吐音果個形式就可以講：（我講埋口形）
１。吹笛既口形
　　吹笛口形係以放鬆為主架，方法係利用靠近嘴角上下唇既肌肉，作出好似講　於字口形既動作，做出來既「風門」（姐係呼氣出黎既地方，果個空隙）應該係呈圓或者橢圓形喇，嘴肌肉感覺係向中間，姐係呼氣，你要控制自己呼氣係集中既，嘴中間既肌肉係放鬆既，咁先有利於你吹出比較好既音色。
２。吐音既舌頭動作
　其實呢，單吐係所有吐音既基礎黎，單吐之後就係雙吐、三吐、花舌、碎吐等等既最基礎訓練，吹奏既時候呢，舌尖輕輕頂住牙後面，然後輕輕地發出吐／它音（其實係要個動作）簡單理解，就係彈一下。
ｐｓ，有幾樣野係要留意
第一。舌頭動作愈細愈好，力度要細，輕輕地，但係要實既
第二。個嘴唔可以緊，姐係嘴中間呀果ｄ位
第三。口腔、喉嚨盡量放鬆、保持輕鬆，咁你個樣吹落去就會舒服ｄ。

＊小提示，吐音，話埋係吐，舌尖放牙後埋上少少位，然後彈一彈，好似吐痰咁…唔知你明唔明我講咩，其實就係果種動作。

Ｑ。吹高音個嘴係咪要變大？
Ａ。其實我係唔多明你問既野…不過我大約估估你想問咩…

吹高音既時候呢，我地有好多細微既地方係要注意架
第１。吹高音，兩邊嘴角向上拉緊少少，Ｂ　Ｄ氣出黎，氣衝用多少少，當然吹氣，氣要集中喇，咁你就會吹到高音
第２。喉嚨、口腔保持一定既收緊程度，唔好太緊，但都唔好太鬆
第３。坐直個人
ＰＳ～以下我由一本笛子教學書，節錄左一Ｄ文章，對於初學既理論都有一定幫助，你可以睇下，參考下：
（文章部份內容曾被本人修改）－節錄至　張向華編著　笛子入門中、高級教材
１。正確的口形
　　有些學習了笛子一段時間的朋友，尤其吹奏了幾年的笛子朋友，普遍存在嘴形過緊的情況，而更多的是吹奏笛子時嘴該緊又不夠緊，該鬆又不夠鬆，以致發音不清楚，甚至出現走音的情況。（個人補充：特別係自學的笛友）
　　口形或稱嘴形是一個總的稱呼，細分：
１。風門－－氣流從上下嘴唇中央吹出的地方
２。口風－－氣流輸出的快慢與流量的多少。
３。嘴勁－－嘴上肌肉的緊張與放鬆，即用勁的大小。

　　首先我們必須解決在吹笛子的時候嘴唇肌肉該用力的地方，除特殊情況外，上下嘴唇中間用勁必導致發音不好聽，也就是說嘴唇中間不應該用力（放鬆），所以嘴唇用力的地方是在嘴角還是在嘴角與人中之間的肌肉呢？日常生活中簡單的例子已經告訴了我們，當我們緊握拳頭的時候，不單手指與手掌肌肉處於緊張狀態，連小臂肌肉亦會緊張，甚至上臂肌肉也有緊張度，至於我們另一隻和雙腳就不會受影響，按照這個體會，嘴唇的力量放在嘴角比較恰當，原因在於它利於嘴唇中間肌肉的放鬆，而實際上在吹奏過程中嘴唇總的感覺也是放鬆的，只是在吹奏高音時有稍微用力，過份用力必然導致中、高音的高音不好。

～～～～～～～
然後，我又係同一本書，節錄左有關吹高、低音既注意事項，字詞都被我改過既，哈哈我懶，唔想打晒咁多字，而且你都唔想睇成篇論文喇何，＞＜～

吹高音時：嘴勁比較大，風門集中，但要注意唇中央勿用力，上唇中央部份微向上翹，嘴用力既方向靠後貼牙，口腔打開，挺胸收腹用胸式吸氣令口風稍快，而氣入笛的角度可稍向前。

吹低音時：嘴勁比較鬆，風門比較大，下唇稍向下，向後移令氣入笛角度更低，用腹式吸氣使口風媛慢，但氣量要多，少則吹不飽滿。

其實仲有好多野既，不過呢Ｄ係最基本既，俾你清楚左先，同埋版權問題，我都唔可以節錄太多俾你睇，其他果Ｄ係去到專業既先要清楚，咁你要留意返就係，你吹笛既時候，成個人要保持輕鬆，因為有緊張手指、舌頭都會硬，同埋就係唔好急，呢Ｄ真係要慢慢練既。

－－－－－－－－－－－－－－－－－－－－－－－
如果你再有其他問題呢，你俾一俾個信息我…我會再答你…
就唔駛再係問題呢Ｄ特別問，我驚晒你Ｄ分數

點都好，希望幫到你。

俾個信息我，我答到你明為止吧～

至於你對於吹氣唔夠呀，或者口水太多，手指過份緊張其他問題，你都可以係信息問一問我,或者俾一俾電郵我都可以
我電郵係：[email protected]

2009-09-08 16:17:48 補充：
補充多少少，點解笛子既舌頭運用我只係大約講個形式

同樣都係我唔主張人自學既原因
原因在於，吹笛時候用既力度、幅度、角度、鬆緊度
因為笛子唔係支支一樣、人個個都唔一樣，咁所以有好多野要作出微調、同埋改變，咁所以一定要有老師係到，去指示你、教你，更正你，俾一個基本既概念你，你先可以學得上去，如果唔係，第時愈學就會愈出現問題
－－－－－－－－－－－－
另外，唔好意思，因為有時我唔係經常睇知識，可能只係睇睇下有無電郵就算…如果你再後補問題…我有時可能過左時間都未答到你…所以俾個信息我安全少少囉…不過當然如果你信唔過我都可以問其他人…

回答 (2)