昨日同同事出左去，先睇戲，跟住去左西貢食海鮮

昨日同同事出左去，先睇戲，跟住去左西貢食海鮮．跟住佢爆左一件公司的事俾我知．原來我個ｓｕｐｅｒｖｉｓｏｒ唔想俾我過ｐｒｏｂｉｔｉｏｎ．我知道左好傷心，因為個ｓｕｐｅｒｖｉｓｏｒ成日好似好鍚我咁，我對人又咁好，原來佢想煮死我．我真係好ｈｕｒｔ．


跟住又諗埋ｄ　ｅｘ－ｂｆ的事，我對我ｅｘ－ｂｆ咁好，佢問我借錢，我又借俾佢，借錢俾佢，佢仲可以罵我，ｃｕｔ我線．我諗諗下諗到自己鬼咁慘．


由７月中開始，我同事就發現我唔開心，不過我唔講佢知咩事，我唔想全公司都知我咩事嘛．有時，咁岩佢打俾我，我而家又岩岩係到哭（主要同係同個ｂｆ吵啦），ｓｏ佢成日問我做咩唔開心，做咩哭．我唔係扮野博同情，我真係日日哭．由７月開始，哭到而家．


個同事其實係公司佢成日都發現我唔開心架啦，我係公司都扮晒好開心，唔知佢做咩知啦．我唔開心，都係因為ｂｆ的事．跟住昨晚佢爆單野我知，我又諗ｅｘ－ｂｆ　ｄ野，佢又狂問我，唔開心要講．跟住忍唔住啦，攬住佢哭啦．


其實我唔想俾同事見到我哭．咁樣我真係好ｏｎ居．同埋無拿拿攬住人地，我好似好變態咁．同事會唔會唔想同我做ｆｒｉｅｎｄ？會唔會覺得我好戀態？