請問一個不可以睇樓的連租約單位買唔買得過??(心急人上)

如 果 你 真 係 好 鍾 意 層 樓 , 如 果 層 樓 又 比 市 價 平 1 0 % 或 以 上 , 咁 都 冇 話 唔 可 以 的 。
為 咗 保 障 自 己 , 去 搵 間 銀 行 做 個 估 價 , 如 果 層 樓 一 早 有 問 題 , 是 一 定 估 得 好 低 的 。
叫 舊 業 主 搵 水 電 煤 的 單 , 睇 吓 租 客 是 否 成 日 都 唔 準 時 繳 費 , ( 業 主 是 可 以 向 有 關 公 司 申 請 補 領 的 ) , 如 果 佢 成 日 遲 交 , 即 好 人 有 限 , 咁 梗 係 唔 好 買 啦 , 但 如 果 佢 期 期 都 準 時 交 費 的 , 咁 你 的 風 險 相 對 是 低 咗 的。
如 果 買 咗 , 如 果 唔 好 彩 住 緊 個 租 客 係 租 霸 , 要 收 番 間 屋 大 約 要 糾 纏 3 至 6 個 月 , 收 番 層 樓 後 可 能 全 屋 要 大 修 要 駛 1 0 幾 廿 萬 , 所 以 , 冇 得 睇 樓 就 要 把 這 風 險 計 算 在 樓 價 內 , 如 果 平 好 多 , 都 可 以 諗 的 , 但 始 終 都 存 在 有 風 險 !
*** *** ***
因 系 統 經 常 消 失 補 充 回 答 , 實 在 太 消 耗 時 間 , 所 以 , 暫 不 會 補 充 任 何 回 答 , 如 仍 需 要 更 多 的 意 見 , 請 直 接 電 郵 給 我 , 不 便 之 處 , 敬 請 見 諒 !

sapooon 網友的意見正確！

買連租約樓好處是:

1. 可即時有租金收入, 唔需要馬上裝修、搵租客、比租樓佣金既開支...
2. 一般有議價空間 (5-10%左右), 但現在樓市咁旺, 個議價空間可能好窄甚至無... 要視乎單位是否優質 (e.g. 側好唔好, 方向, 樓層 等等..)
3. 可問地產比多d佣金discount

買連租約樓壞處是:
1. 無得睇室內環境, 買左之後好與壞你都要接受架喇
2. 將來收樓要自己處理, 其實如果個租客係ok既, 都唔算係壞處, 況且現在法定既收樓程序對業主既保障已經完善好多
3. 物業作投資用途的話銀行offer既mortgage terms 可能無咁好, 利息可能做唔到the best rate, 申請MC又有限制

其實如果你真係想買, 可以先做多d資料搜集:
1. 做一個full land search, 睇下係咪負資產或有無按上按層樓, 呢個可反映業主既財務狀況, 好多人會賣樓前轉晒d地址去層樓到 避責主, 我真係見好多呢d case, 之後d 追數既會不斷send信同上門騷擾單位內既人...
2. check 下有無欠差餉管理費
3. 叫地產帶你去樓上樓下既放盤單位, 參考下個則同評估下屋外環境
4. 問管理處單位近期有無任何投訴
5. 盡可能叫業主/地產提供租客既交租記錄以評估租客質素

總之問多d知多d, 祝君早日買到好樓!

呢一年是生約定死約, 我自己都遇過業主要賣樓, 我都唔俾地產睇樓, 業主一般會在多間地產放盤, 業主經常打俾我話幾點有人來睇方唔方便, 最後, D地產唔來唔通知聲, 我都唔俾佢再睇.

無得睇樓, 屋內間格唔清楚, 有無水漬, D嘢係唔係爛唔知 (因租約會註明有咩傢俱係業主, 損毀(非束意)租客可以叫業主換), 租客係咩人, 你都唔知, 你話買唔買得過啦

PS. 一般來說, 水電煤唔會係業主名, 佢都怕你唔俾錢啦, 所以, 你就算係業主, 你無權向呢D公司要求月結單呀

買唔買得過最緊要都係睇價錢，同埋睇你買黎自住定投資。
當然你要對個單位作最壞打算，即是你預層樓要「大執」。
買連約單位好處就係可即刻有租收，冇左空置成本同埋唔駛俾出租的經紀佣。
盡量攞多啲現租客的資料去評估個租賃風險。

好簡單，一個你未見的人，你覺得你嫁唔嫁得過或娶唔娶得過呀？

100%買唔過:
1:牆壁滲水唔知，結構唔知，間格有改動唔知，租客有權唔比睇樓，銀行唔按，有其他唔按的原因都唔知！
2:可能租客欠租，要上法庭，你買左变左你上庭！