意大利入瑞士行程?

舊年我去瑞士旅行，我就係好似樓主咁行，而且我仲要係先係大清早上少女峰，然後立刻下山即日去埋策馬特，跟住上完哥蘭葛德(Gornergrat)後立刻循原路番酒店，而我既酒店唔係Interlaken，而係上少女峰途中既Wengen！全程用左我超過16小時。
當然樓主唔駛咁樣咁頻能，其實只要你時間充裕，由Interlaken去Zermatt其實好容易。搭火車既次序如下﹕Interlaken > Brig > Visp > Zermatt，全程要超2至3小時。樓主同小弟一樣都係去少女峰及馬特杭峰，我當然建議你唔好學我，我係無時間先至咁做，兩個山峰都好靚，各自應該用一日時間去遊覽。去瑞士，我強烈建議你買Eurail Pass，因為有左佢你係指定時間內於瑞士境內坐任何火車都唔需要另外再買飛，極端方便，我覺得係瑞士無火車証根本寸步難行。仲有，Eurail Pass包埋你去Interlaken隔離既Brizensee遊湖3個鐘，搭巴士又係好似免費，樓主一定要買。
由於兩個山我去得好趕，我係上面玩既時間唔係咁多，兩度都只係留左45分鐘左右。不過，其實上去又唔係真係咁多野玩，主要都係集中係觀景台睇景，如果剩係咁玩，1個鐘咩都夠。不過，我睇書話原來係哥蘭葛德附近既山區有幾個靚絕既湖，天氣好可以睇到馬特杭峰既完美倒影，但係呢幾個湖都幾分散，要用一日搭車先至去得晒，而且你一定要係策馬特住酒店至得。上少女峰，我建議你最好出去觀景台外面既冰川上行下，因為嗰度啲雪真係好白好靚，附近又寧靜，空氣又清新，剩係行行企企都超正。
我同樓主一樣都係由意大利入瑞士，當時我係威尼斯搭車去到米蘭，然後即刻去隔離月台轉車，架車由米蘭去瑞士既Spiez。由Spiez你可以轉車去好多地方，包括Interlaken。

1-3條問題都可以去瑞士國鐵網站SBB>COM搵到答案
4.個人認為由米蘭去瑞士勞加諾LUGANO落腳都唔錯, 可以去埋FOXTOWN OUTLET
5. 你打算去咁多個地方, 一定要買PASS, 又方便又便宜