BB訓覺問題(幫幫手)

小朋友有得一歲，可以訓一次午訓就夠架喇
佢食野既份量都夠架喇，不過可能佢成年都已經習慣左個時間，你要慢慢同佢調整過
首先午睡由兩次轉為一次，可以係中午十二點至一點先訓。開頭可能未夠鐘就會好眼訓，但係你可以搵D野玩黎引開佢，到咁上下時間先比佢訓，一訓就可以訓到三個鐘架喇
之後醒左就照平時一樣，但係因為訓一次午睡比平時多左玩既時間，夜晚佢又會比平時眼訓，咁你照樣比佢十點訓既話，佢多數都會訓耐D
若果佢真係半夜起身玩既，你就要比佢知道而家係夜晚，就算佢真係醒左，你都唔好同佢玩，唔好同佢傾計，亦唔好開燈比佢，比佢見到你係要訓覺既，慢慢佢就會知道果段時間起身冇人同佢玩，悶既話就會自己訓架喇

我諗中午十二點幾先好比亞仔訓, (之前比飯仔佢食), BB多數都訓到3個幾鐘, 咁應該四點度起身, 比野佢食, 同佢玩一陣, 到收左太陽五點幾帶佢去公園玩, 由得佢自己走自己爬, 番屋企沖涼, 睇電視, 食飯, 到十點幾食奶, 一樣十點半訓, 咁就應該可一覺訓天光喇.

我個仔每日都係咁做, 可一覺訓天光架, 你可以試下

下午時(5點~)盡量跟他玩，不讓他睡。6點~帶佢去游泳(有小小運動量即可)到了夜晚9點到讓他睡覺，保證佢可以一覺訓天光。