✔ 最佳答案
好高興可以幫到你
1)這些場景模式多數可以跟字面解釋去知道功能.
例如煙火模式自然就係影煙花,夜景快拍應該就係在夜攝時加快快門.
影煙花如果用全自動模式的話會因為煙花好光而環境好暗誤導咗測光而導致煙花過度曝光變咗一舊舊,煙火模式可能就係話俾相機聽你影緊煙花,相機幫你影翻暗啲.
夜景由於光線暗,需要長快門時間,容易手震及涷結唔同移動的主體.如果冇腳架又或者要影啲郁既嘢就要加快快門速度,在光圈開盡下就只可以提高iso,在夜景快拍模式下相機可能會用超高iso,例如iso 3200去達到目的.影係影到不過相片會有非常多雜訊.
以上其實是我憑經驗的估計,實際係點未必部部相機一樣,始終都要睇翻說明書先知相機實際係做咗甚麼.由於呢類模式冇乜仔細控制,多數只出現在入門相機或全自動相機,較高階既相機可以自己控制光圈,快門,其實唔多需要用呢啲模式的.
2).數碼微距原理同數碼變焦差不多.相機實際影唔到咁大放大率,佢只係將影像用軟件放大.細節並冇多到,比起用光學方法的微距放大效果係比較粗糙的,其實你關咗個數微距,影到最大,然後在電腦剪裁放大影像再插值增加像素,效果該跟數碼微距沒有兩樣.
2009-09-05 07:16:51 補充:
煙火模式仲有一個可能係會自動對焦無限遠,因為煙花出現太快而且太光,自動對焦多會失效.
2009-09-05 07:17:17 補充:
煙火模式仲有一個可能係會自動對焦無限遠,因為煙花出現太快而且太光,自動對焦多會失效.