不知所謂 大航旅行社

下次搵d價錢合理既旅行社吧 !
一分一分貨 , 羊毛出在羊身上 !
只要你明白 , 你就會識選擇旅行社 !

珠海既情況我唔清楚，但我以前係澳門讀旅遊既，我以前都係旅遊局同某旅行社度做領隊（雖然係帶客外遊），我可以俾D意見俾你。

1）點解澳門既接待咁差？？？
旅行社可以分為兩種，一種係帶客外遊，例如帶客去日本、台灣、泰國咁。一種係接客，即係接待外地遊客的。

除美加、歐洲團因為人手，導遊同領隊合一。一般而言，接客既係導遊，帶客出去既係領隊。為滿足客人，導遊盡量同客人既母語溝通。

係80年代，澳門未開放俾大陸既時候，主要客源係日本、香港同台灣。因為香港人係自己過黎賭錢，台灣人係轉機，咁好多接客既旅行社係對日本遊客，所以哥時服務好好。哥D導遊好多都好有學識同禮貌。

但近幾年，因為開放大陸旅客，對導遊需講流利普通話的要求增加。再加上澳門本身適合自由行，而令導遊業萎縮。連普通一個中學生都不屑做導遊。業界為生存，只好請大陸人，而不請本地人。係你剛才既情況，因為要行走兩地，你既導遊係大陸人

2）服務差揭悲情
係澳門，同香港一樣，導遊可以講係低薪行業。你諗下，係三十幾度做跑腿，日曬雨淋，身水身汗咁，我D FRIEND試過做義工帶下外國遊客帶一日，佢地都話辛苦。你知唔知道客人既酒店錢唔係公司出，而係好多時佢地墊支自己出，如果個客肯買嘢，咁都可以賺幾千蚊夠糊口，但若有壞客人，佢地連日黎既辛苦，不單止冇錢收，而要賠錢。你可能會話，嘩，澳門業界咁衰，其實呢個情況係泰國、台灣、大陸都係咁，我希望你能體諒業界既痛苦。

3）一分錢一分貨
你可能會話我係旅遊界，當然幫佢地講好說話。其實做領隊、做導遊既連接都唔想接太便宜既旅行團。寧願唔賺好過蝕。係好既旅遊相關行業之中，有種叫做「黑名單」既嘢，「大航旅行社」係其中一間列入黑名單之中，係因為好既相關行業為保聲譽、減少麻煩，連接都唔想接。

係俾人列入黑名單之後，「大航旅行社」只有同差既餐廳、差既酒店合一。所以其實揀團最好揀一D貴D既，冇購物點既，同信譽好D既旅行社，始終開心係最重要。

4）自由行？
我會建議係澳門用自由行既形式，因為澳門較細，行路通常快過等車。人數夠，搭的士都幾抵。其實澳門本地人任職既旅遊服務，大部分都好好，例如旅遊局、本地人任職既酒店等。因為佢地有合理薪酬。你係市中心，水池旁邊有間旅遊局。佢地會教你邊度行，點行最方便，會俾個好靚既地圖你。澳門如果唔係空氣差、同天氣熱之外，其實澳門都唔錯架。

****香港同澳門都有消委會，你以上既情況可以作投訴。