新手問 : 水草處理程序及魚缸燈

剛開缸一定係混濁。你問個d問題已經係下面講左了。

1. 放沙入缸前要洗沙,好似洗米咁洗,洗到唔混濁為止。若用水草泥可以唔洗。
2. 放沙或泥入缸,起碼鋪到3-5cm。
3. 放入洗乾淨的裝飾物,如石頭,沉木,假草等。
4. 倒水入缸(水喉水便可以)。
5. 放入水質調節劑。
6. 如果有養草,要首先剪走大部分根,留底少少根,用水草專用的鉗子安置水草。
7. 放入硝化菌。

8. 三日後後,檢查PH值。
9.用一星期養菌。
10. 一星期後先好買魚
11. 對水, 首先要將整個魚袋放進魚缸內大約30分鐘,不要解開魚袋,讓魚適應魚缸水溫。然後解開魚袋,倒出魚袋水的二份一,又將二份一的魚缸水,裝入袋內,再等約30分鐘,可以防止PH值的衝擊。
12. 將魚放入魚缸。
13. 完成了!
注意:
買魚前一定要記得為魚缸水儉查PH值,水族店多數都有得買用來檢查PH值的東西。因為有偏酸性魚,同偏鹼性魚,但無論係偏酸性魚定偏鹼性魚,佢地都適應中性水質,即係PH值7。所以如果你個缸d水係偏酸性水,而你又買左偏鹼性魚,咁會養一缸魚,就死一缸魚。所以養魚前要做足功課,認清你想養的魚係偏酸性定偏鹼性,再調節好魚缸水的酸鹼度先好去買魚。
*酸鹼度即係PH值,一樣意思。
*有落泥,有放木頭裝飾,會令水質變酸。
*CO2會令水質變酸(降低PH值)。
*養草會吸取CO2,所以會升高PH值。
*碳酸鹽會升PH值。
*用PH調節劑調節PH值。
-用以上方法來調校PH值。

2) 魚缸燈用普通光管可以嗎,要咩 Watt 數 ??

最好用水草燈,普通光管都可以,Watt數方面問水族店老闆。

3) 唔知點解新缸放泥注水後開濾水器會另水變回混濁 ???
是否要等水靜下,正常要等多少天靜水才開濾水器??

剛搞曬d野,就可以即刻開濾水器,不會令水變回混濁 。

記住要幫d魚對水。

1)
正常黎講,加水後先會插草,
而且水濁係一定會經過,唔會有人未試過,
因為插草如果無水插,你一加水就會令泥沖開,
咁水草會浮返上黎,所以唔想加滿水先插的話,
可以咁樣,
將水加至50-75%滿,其後插草,
好處 : 較易插、減少水濁情況出現
我自己都開慣草缸,
其實只要插草時插得較快、郁動較少既泥,
咁就唔會咁易令水濁,最近果次我都係咁插草,
d泥最多起少少泥粉,開返濾水器就會全缸清返嫁啦~
另外,
要留意一下到底水草係插定扎,
扎既通常唔會見到一枝枝咁既水草形態,
例如莫絲、鹿角苔、鳳尾苔等...........
插既就通常會一枝枝既,明顯有根,
例如太陽草、印度小圓葉、日本珍珠草等.......
2)
如果你係種植陰草,
普通魚缸燈絕對無問題,
陰草需求少光、無co2及少養份,
例如水榕,如果吸強光,就會巨大化,以市價黎計算,
咁會降低左價格嫁啦!! 一棵迷你水榕$30 一棵大葉榕 $15
相差好遠=v=
如果你種植陽草,
普通魚缸燈就唔可以用,因為光譜、光度等唔足夠,
需要轉用其他管,T5、T5HO、T8及PL等,
以上光管係最常用既陽草草缸燈光~
而watt數方面,有師兄話係一升水一watt燈,
當然種植部分陽草就唔可以用此標準,
部分陽草對光線有更高要求,
所以最好問問人你種咩草用幾watt管最好,
例如矮珍珠、迷你矮珍珠、牛毛顫等,
佢地對光線要求好高,所以較難種植,要高watt數先種得好!!
陽草一般24吋缸都需要約40-90watt既管先可以,
你可以用2-4支管加埋既watt數計算~
3)
開缸後d水變返混濁係正常,
不過都要睇你點處理~
水草泥係唔需要清洗,直接使用,部分人拎去沖水,
搞到d水混濁晒~
而水草泥一落缸,開水,其實硝化細菌就會開始建立系統,
所以見到白濁係好正常,需要等一至三十天時間令水變清,
過程中最好唔好胡亂加入化學品令水清,
你可以試下換水,淡化白濁問題~
同埋唔好以為混濁係濾水器產生,
其實只係好普通既硝化系統建立情況,
唔開濾水器就會需要更長時間等水清返嫁啦!!

2009-09-04 23:01:59 補充：
另外,
放泥後加水時要注意,必須放一塊野係泥面減低水直接衝擊水草泥,
可以用泥袋、保鮮袋等,甚至可以係佢地上面加放一個碟,
效果更好~
通常d新手會直接落水,問題就係咁樣放水,d泥會令水變得好混濁,
所以以上一定要做!!