患了中風症的病者, 之後可以那樣照顧他.

其實樓上candy.2177講得真係好岩，千其唔好俾您家人食糯米做既食物。
我爸爸今年三月時中左風，半身不遂，佢中風個個星期有幾日我都買糯米雞俾佢做早餐，到佢中風個日朝我都有買糯米雞俾佢做早餐。
我爸中風後，我成日都話我爸中風好可能同食得多糯米有關，不過無人信。
candy.2177既家人都係食左糯米雞之後中風，真係唔到您唔信，千其唔好俾您家人食糯米做既食物丫。
因為唔知您家人中風既情況，只能拎我照顧我爸既經驗講您知。
我爸留院時，醫生話佢唔好話再次行路既機會都無可能，就連自己坐穩都一定無可能。
事實上，佢當時既情況真係自己坐都坐唔穩。 佢出院第二日，我地即刻帶佢去針炙，針炙左兩次，佢已經可以坐得穩，我地keep住一星期帶佢去針炙三次，針足三個幾月。
我爸依家已經可以自己一個拎住枝叉黎行。
除左針炙，仲有一樣好重要的，就係做運動，真係... ...針炙可以唔針咁多，但做運動真係一定要做。
如果您家人仲留緊院既，應該係醫院會有物理治療做，可以問一問物理治療師，物理治療用的單車岩唔岩你家人，岩既就買部俾佢係屋企踩，個d單車係好細部，坐係到踩，大約$120-150一部。
個時我爸留院個物理治療師都話練腳力黎講，踩單車係最好既。 我地到依家都keep住要我爸日日踩。
有一樣要注意，中風人士好多都忽略左隻手，只顧隻腳行唔行得番，所以，好多中風人士隻手都會曲起左，有d輕微既就只係手指，嚴重既成隻手曲到上心口都有，就係因為手筋開始收縮。
唔係講笑架，我表哥個婆婆就係中風後，家人唔得閒理佢，依家個婆婆隻手係曲到上另外隻手個膊頭，著衫都著唔到，老人院整件斗蓬俾佢著架咋。
我就買個55cm大既gym ball俾佢，放佢隻手上個波到，向左推，幫佢鬆手筋。
其實唔一定要買gym ball，簡單d坐係佢隔離，將佢隻手輕輕拉直放係您大肶都可以鬆到筋的。
正確做法可以襯佢去做物理治療時，問一問物理治療師，佢地會肯教的。
其實唔同程度既中風，康復期間要做既野都會有d分別，但有一樣係好重要的，就係中風後個六個月，係康復既黃金期，康復程度去到點，真係要好睇有無好好把握個六個月。
好似我爸爸咁，今日佢中左風岩岩好六個月，依家算係咁，佢自己可以拎住枝叉行，但當然過左哩個康復黃金期，康復進度只係慢左，而唔係唔會再有進展，所以，我依然日日同佢行路，一日行三次，每次行一百米。
我地無病無痛既行一百米未必覺得係咩，但對中風康復者黎講，行一百米其實好辛苦既，我次次都同我爸行五十米，休息一陣再行過。
但試過幾次遇著打風落雨無去行，真係唔駛多，幾日既者，佢即刻無之前行得咁好，所以，如果佢行到既，就多d同佢行。
當然，又唔好話一開始就要佢行一百米咁多，我起初都係同我爸行十幾米，慢慢行上去行到依家一次過行五十米都得。
如果您同您家人一齊住既，日頭有無人可以照顧到佢? 如果無既，日頭可以請個唔留宿個種，專照顧長者既家務助理照顧佢，晚上就自己照顧佢，最好買個無線門鈴俾佢，等佢晚上要去廁所，或者有乜需要時，可以按個門鈴叫您地，咁會安全好多。
當然，亦要輔導下佢，唔好認為按門鈴叫您地係麻煩到家人，俾個訊息佢，您地係願意照顧佢，唔會覺得佢麻煩。
我個時都有買個無線門鈴俾我爸，我爸一得閒想搵人傾計，唔理幾點都按下個門鈴叫醒我，同我傾計既。
樓上candy.2177同little grass講得好岩架，您要俾多d關心您家人，氹多d佢，咁佢對自己康復就更有信心。
我成日都同我爸講埋d爛gag氹佢笑，之前佢去日間物理治療中心做物理治療，連d物理治療師同護士都頂我唔順，話我真係當左我爸係細路仔咁氹。
真架，您肯去氹佢，對佢既康復真係有好大幫助，尤其是好像我爸個種情況，起初由無病無痛既人一夜間變成完全失去左半邊身既活運能力，您唔俾個依靠佢，佢又邊會有信心認為自己可以好番呢?
您依家行緊既路，我行過，我仲行緊，我可以話您知，您有信心照顧佢、幫助佢，一定可以康復，有時間就多d陪佢做運動，傾下計，可能只係好小既事，但都可能對佢康復有好大幫助。
祝您家人早日康復。

2009-09-09 03:30:30 補充：
lilywong3838，做父母會盡心照顧仔女，做仔女既又點解唔可以盡心照顧佢地呢?
代家人衷心感謝您的祝福，亦祝福您生活快樂，一切安康。

coji，千其唔好灰心，您絕對唔係無助既，如果照顧世伯上有乜唔太清楚既，唔介意既可以搵我，我可以講多d有關既經驗俾妳知。
祝世伯早日康復。

cammy睇左你既回答之後,真係幫左我好多. 因為我爸爸在3個星期前中了風. 屋企得我一個人好無助. 而家開始了解多左點去照顧佢.

2009-09-22 23:19:15 補充：
cammy. 我想問問你既意見. 我老豆而家練習既行路. 都可以行到幾步. 但神意就一時時清醒. 一時好似完全無事. 一時講野好似中左邪咁. 我唔忍心比佢入老人院. 但得一個人又好難照顧佢. 你有提過有專照顧長者既日間家務助理, 可以點搵呢. 同埋一個人要去照顧佢夜晚又會否可行呢?

Cammy 真係一個有孝心、有愛心同有耐心嘅好心人！你嘅經驗好可貴。更難得嘅就係願意與人分享。我敬重你！祝你闔府安康！

你作為他的家人，你可以幫他的有：
1. 全天候關心，不是指24小時跟住，但起碼你一有時間就看他，令他知道自己不是一個人作戰
2. 每日都應該抽時間幫他的肌肉按摩，以防止肌肉萎縮和關節變形
3. 飲食方面，忌辛辣煎炸肥膩食物，儘量清淡但有營養的食物，多飲水
4. 勤做手腳郁動的動作，即物理治療師的指示
5. 如果有語言障礙，那你就最好安排言語治療師幫他
6. 如果你的家人只是中風后1個月內，那我會建議你儘快幫你爸爸做針灸加中藥，因為我治療過的有一個月內和超過一個月，治療效果完全不同，越早治療，起碼行路、說話能力和關節變形的問題都可以3個月內康復，所以不要延誤病情

希望幫到你

咩都唔洗講,最緊要就係搵個人24小時全天候照顧佢。

最好就請一個人啦!

唔好比佢自己一個人出街,佢好容易又會中風!

要比佢開心一下,唔好比佢發火,小朋友有好的成績佢就會最開心啦!

唔好食係糯米做的食品,咁樣好易中風,因為果陣我爸爸佢食完糯米雞之後飲左水過左一陣就中左風(成實講:冇講大話)

最好就唔好比佢地自己一個人洗澡,怕會滑到!

我家中都有一個老人,佢都中過風,你最好就信,我冇害你房企人!!!!!!!

2009-09-04 17:38:38 補充：
SORRY,我講左錯小小!應該係:我冇害你屋企人!!!!!!