新手買魚具用品一問!!!

1) 魚杆係鴨記買太約幾錢??
以3米6長度計, 大陸杆大約150-200左右(中等貨色), 如3米2 及4米2長大約 = - $30-50左右.
鴨記買杆要非常小心, 有新杆及二手杆, 要懂得檢查杆身有沒損傷及導線圈是否完整...等問題.
2) 用得幾內呀??
新大陸杆如識得保養及使用得適當的話, 5, 6年好平常, 常見的多是導線圈損壞機會大啲, 可更換, 每個約$15-20(連工包料).
保養~ 最好每次釣完, 回家用毛巾濕清水(水喉水, 不可用清潔劑..), 抺過杆身, 再用乾毛巾抺乾淨就ok. 因時間長, 海邊鹹氣會令杆身纖維脆易折斷.
使用適當~ 當然避免杆身碰撞, 擦傷, 中魚或鈎底時, 拉杆不可過頭頂, 這易令杆頭折斷.....
3) 如果係得閒釣下..咁要買D咩用品呀??
除魚杆, 線攪及魚絲必備外, 中通鉛, 擰圈及鈎都需要. 部份釣者不用擰圈, 中通鉛直到魚鈎, 這比較適合用蟲, 死蝦及蝦仁釣, 如用沙蝦等生餌, 加擰圈及子線比較好, 因可提供個空間給生餌游動, 易吸引魚注目.
希望幫到你.