初生BB衣服問題

1.短和尚袍6件短身,前面有繩打結個D

2.長和尚袍6件長身到腳仔前面同短的一樣

3.d夾衣屁屁位(你可以買定)

4.記得買定睡袍呀BB訓交用架

5.連身衣5件都OK的唔係由屁屁到腳仔係由上身到腳仔有啪鈕果d

6.羊毛內衣唔係個個BB都可以著

7.背心唔需要

2009-09-07 10:30:43 補充：
8.包被2張厚的就得啦唔洗用薄的

你有咩可以E-mail俾我

[email protected]

2009-09-07 10:32:27 補充：
7.

1/. 短和尚袍 (4-6件) <-- 是否短身到肚仔, 前面有繩打結個D??
係丫, 不過你 bb 預產期係冬天, 個人經驗冬天有時真係會驚 d 衫乾唔切, 除非你有乾衣機啦, 否則 ge 話以我為例, 我個仔 9 月出世, 長衫短身和尚袍我買左 1 打, 因為有時 bb 嘔奶整污糟左洗唔切冇衫仔著就大件事~


2/. 長和尚袍 (2-3件) <-- 是否長身到腳仔, 前面有繩打結個D??
唔一定到腳仔, 有 d 會到 pat pat, 膝頭不等, 呢款我買左半打, 我個仔 9 出世, 著左件短袍係入面, 長袍就當面衫著囉~


3/. 見到有些短 / 長袖, 包到屁屁位(有啪鈕) <-- 是否夾衣?? 使唔使買??
呢款遲 d 先買都唔怕, 因為呢種 body 式夾衣好多都係過頭笠, 初生 bb 頸仔未夠硬淨同佢地著一唔小心好易會整親, 建議過左 3 個月等佢地條頸仔硬淨 d 先買都未遲, 著 body ge 好處係點抱都唔會打左個肚仔出黎丫 ma~^^ 不過市面我都見過有 d 係綁繩 ge, 如果搵到都可以買定一兩件~


4/. 兩用袍 (2件) <-- 是乜野黎??
即係全身有啪鈕 ge 厚衫, 可以當面衫著, 又可以當被仔咁包住 bb~


5/. 連身衣 (4-6件) <-- 是否屁屁到腳仔位有啪鈕個D??
係包埋腳腳果 d 夾衣, 當面衫咁著~


6/. 羊毛內衣 <-- 需要幾多件??
我買左 4 件, 都係果句啦, 乾唔切冇衫著好大件事~


7/. 背心 <-- 需要嗎??
要, 因為包得太厚佢地郁唔到會覺得唔舒服, 同埋有時出街著背心我地抱都抱得輕鬆 d, 雖然室內會暖過室外, 不過初生 bb 自己保溫能力冇咁好, 出街著有袖外套, 在家著背心就一定唔會凍親啦~


8/. 包被 (2厚 + 2薄)??
我自己買左 1 厚 1 薄, 但就買左 2 個睡袋, 著住睡袋再用包被包實, 咁就有夠暖又有安全感, 仲唔怕踢被會比件被焗到添~

對於初生BB黎講，十一月尾出世已經好凍，所以你一定要預備足夠既衣物比佢
短和尚袍 (4-6件) ，長和尚袍 (2-3件)
佢地既分別就係短係去到腰位，長既會蓋到膝蓋位置(有D更長過小腿位置)。而前面果塊就有繩打結同埋會疊住另一邊既布。因為和尚袍係著係最入面，最貼BB皮膚，所以一定要純棉同埋要日日換。如果你怕乾唔切既，最好就預多兩三件
見到有些短 / 長袖, 包到屁屁位(有啪鈕)
呢D係叫夾衣。除左個袖有長短同背心之外，腳位都有分長短。不過因為好多呢D夾衣都係"過頭凹"，對於初生BB黎講，著同除既過程都冇咁方便，所以就唔一定需要買。而且你個B係冬天出世，著慢D衫都驚會冷親，要唔要買就自行決定喇
兩用袍 (2件)
應該係指一件好似長和尚袍咁既衫，不過腳位就有得扣埋，可以當埋睡袋或者包被
連身衣 (4-6件)
其實連身衣同夾衣冇咩分別.....
羊毛內衣
一般羊毛內衣係著係中間，以防羊毛拮肉或者引起敏感，而且著係中間會暖好多。因為著係中間，唔需要成日洗，況且真正既羊毛內衣洗得多會冇咁保暖既。所以唔需要太多，但為免BB嘔奶時都會整污糟，最好有三至四件
背心
背心外套係有需要既，不論厚簿都最好有兩三件。因為有時天氣凍出街，室外凍要著多件外套，但入到室內著住外套會熱，除左又會凍，有背心就岩岩好喇。
另外，羊毛內衣都會有背心款，可以既話買一兩件，亦都係因為有時唔需要著長袖，著背心可以遮到膊頭同個肚，唔怕冷親
包被 (2厚 + 2薄)
其實對於初生BB黎講，有包被都可以唔使背心外套 (但過左一個月之後，包被用唔到黎包BB，就要外套喇) 厚簿之分，都係因應天氣、室內外溫度既轉變。基本上各有兩件都已經足夠，不過有時突然一日嘔兩三次奶，呢D意外真係避免唔到，所以可以既話就預多一件。再唔係買定D大毛巾，必要時當包被用都得
天氣咁凍，你最好要預埋帽同襪，而且條頸都好重要，條頸同對腳暖D，好過著多件衫架！