首次買車不知從何入手 ... 煩惱中 !!!

根據你的資料，32歲，足兩年牌，當你係寫字樓文員 ( 即不是高危職業 )，咁你就即是夠年齡夠牌齡，買普通私家車的第三保都唔會特別貴，不用太擔心。續點回覆如下：

1. 搵車 -- 不外乎朋友轉讓或上網搵，車行唔係唔得，但你就一定要同有認識的朋友去揀去試，問心個句人地開得車行，每樣都要成本，點會平過私人轉讓呢？

2. 保險 -- 現在網上有一間我覺得幾平的，但我唔方便幫人賣廣告，好似叫快X保，不防打電話問下，如果買豐田1500c車計，我估三千左右。

3. 一條龍服務 -- 自己做啦！自己做過就以後都識，又唔使比錢人賺，唔好懶！步驟：睇岩部車，同個車主or車行取牌簿副本，然後比張牌簿副本保險公司出Cover Note，出左Cover Note ( Fax 都得 ) 之後就可以去運輸處做轉名手續，轉名政府收$1000元，跟住做好手續就一齊去取車，確定係你要個架車就比錢，然後byebye，程序就係咁。

4. 包驗 -- 一般車房的包驗價大約$800~$1000，呢個價錢係當你部車無野要整，如果要換零件就另計。介紹就唔好喇，一陣收得多你以為我賺左你錢添。

5. 上架 -- 係比車房升高架車睇車底的意思，車底可以睇下有無漏油或者駁過頭頭尾尾。但我話你知，如果駁頭尾手工做得好，而車房又求其咁睇下就算係未必睇得出的，再者，如果我買萬零蚊車，我都費事上架！另外，如果你比埋車房幫你驗車的話，我相信佢唔會收你上架錢。

6. 牌簿 -- 新車到香港的第一個車主，牌簿會顯示 0 字，轉一首比第二個車主，牌簿就顯示 1 字，如此類推，如果你買架車牌簿顯示係 5 字，即是在你之前已經有 6 個人買過呢架車咁解。香港好奇怪地有一個不成文的理據，係首數愈多，車就會相對要較平。

7. 留意 -- 一般試車要留意的都大致係車的狀況和質數，例如是否每個波都入到啦，又或者迫力夠唔夠啦，個方向盤有無雜聲啦，避震響唔響啦咁，其次就係車內質數，有天窗就要留意有無漏水的痕積咁啦！

8. 買貴左 -- 我個人黎講，我寧願買貴，都唔想買錯，但貴唔貴就無準則，最緊要自己舒服，簡單咁講，金融海嘯前同後買同一架車都有一段距離，所以最重要係車車精神，車本來就唔係必需品啦！至於比人呃，就睇你想講呃乜野？搵個有經驗的朋友一齊去就好好多囉！

9. $25000 budget -- 用二萬五去買車當然得啦！舉例：$15000 買車，$1000 轉名，$3000 保險，$2000 驗車換偈油，淨返 $4000 你買一季牌費同租車位，搞掂。

最後 -- 徵車，呢個粹純我個人意見，你第一次買車，唔好買風險較高的車，例如 Civic、兩門車，我會建議你買豐田Corolla，第一，豐田車夠慳油耐用，第二，對保險公司黎講，Corolla 唔係高風險車種，相對保險費會較平，第三，易駕駛，第四，第日想換車放返出街都唔難。

希望幫到你，祝你早日榮升車主！

銀行低息貸款 現金周轉 卡數問題

還款期 6 至 72 個月(由你選擇)

貸款額特高,最高可達 80萬或月薪十倍(以較低為準)

息率最低至每月平息 0.28% 手續簡易快捷

批刻後,現金直接存入閣下指定的銀行戶口

查詢電話 : 9804 8712 ( Teddy)

買車如果買2手都要留意下,因為始終一分$一分貨,都唔係話平野無好,但要睇返有冇咩事.....

本人係做理財顧問的,車保可以同你先報價,可先e-mail我:[email protected],希望收到你e-mail.

1) 一般來說, 在網上 www.28car.com 看車, 之後自己約去睇, 睇岩就約車房的人去試車或驗, 一般收費都係 300-500元左右.....
車行賣車通常都不誠實.....小心
2) 三保或全保都可以在 www.28car.com 找到資料
3)你可以找車行找辨出牌的手續 $50大元, 或自己去運輸處做
4)上架即係把車.....用架升查看車底
5) 第一任車主從車行買入叫 "零首" 之後他賣出, 而新的車主就叫 "一首" 如此類推
6) 除非你自己對車好熟悉, 不然你是不會察覺車的問題, 所以都係建議找車房技工待你去驗....

睇多d, 問多d, 就可以慢慢認識多d
視你幸運

Sunny 最少改裝車，原裝車架既鋼水夠硬，所以比較安全(代價是車身重)。新牌代步一流。