你睇d女人每逢見到其他女人靚過自己、叻過自己、後生過自己，果種睇咬牙切齒、果種仇恨，簡直令人心寒。
每逢有女人吸引力大過你，若然佢來自大陸，就話人係雞；若然佢來自外國，就話人濫交；若然佢係本地人，就話佢識玩手段
你連幸福過佢，佢都唔高興。徐子淇自從做左千億新抱，即成女人公敵。OL每逢睇雜誌見到佢，講得最多果句係：「車！佢都唔係好靚之嘛！」
阿大姐，就算李家誠唔娶佢，唔通會娶你？
劉德華自從公開已婚，女fans即時媽媽叉叉。
阿大姐，劉華若然唔娶朱麗倩，難道就會娶你？
女人對條件好過佢、際遇好過佢的女人固然唔高興，對條件比自己差的一樣唔順眼。人人話香港女人不停要瘦身，其實最喜對肥女人單單打打的就係其他女人。你冷眼旁觀睇下d所謂瘦女對肥女果種藐嘴藐舌，簡直好睇過幻彩詠香江。
你無得用名牌咩？對你最冷嘲熱諷果個唔係你男友，係你d所謂好姊妹。
你同你老公你男友好幸福好甜蜜，你估最唔高興係邊個？係你d所謂好姊妹，因為你太幸福，佢就會無得講是非；你太幸福，就會顯得佢渣過你。
佢唯有不斷響你耳邊催眠你：「男人無個好人呀…佢出面可能有第個呀…佢而家無姐，唔代表佢唔想呀…佢而家唔想姐，唔代表將來唔想呀…佢唔想姐，唔代表佢無諗過…」
以為黑口黑面，更顯自己高貴？以為遲到無時間觀念，代表自己矜持？以亂發脾氣，人地就會tum你？以為當男人係監犯，男人會更忠於你？
女人們，你要人尊重，可以喎，問題係，你值得嗎？
女人們，你要人愛你，可以喎，問題係，你可愛嗎？
更新1:
ps: 可愛唔係舉個V字扮cute果隻呀！！
更新2:
女人個個以為自己係公主，sorry，其實真身係白雪公主裡面個巫婆。 「邊個靚個我，送佢一個毒蘋果！！」
更新3:
港女因妒忌，剖開孕婦肚！ 呢單新聞，引證左我所講ge野！
